Lafaek News–Ministru Administrasaun Estatàl (MAE), Miguel Perreira Carvalho informa, Governu planeia ona orsamentu 1.6 milioens ba preparasaun Presidente Eleitu 2022-2027 José Ramos Horta.
Ministru Administrasaun Estatàl Miguel perreira de Carvalho hatoo asuntu ne’e akompania mos husi ministra Negósiu estranjeiru Adaljiza Magno hodi hala’o enkontru semanal ho Prezidente Repúblika Francisco Guterres Lú Olo iha Palasíu Presidensiál Bairo-pite segunda (25/04/2022).
Serimónia tomada de posse Presidente eleitu 2022 ne’e governu planeia ona orsamentu hamutuk 1.6 milioens dolar amérika hodi bele organiza serimónia ne’e”, esplika Ministru Administrasaun Estatàl Miguel perreira de Carvalho hafoin enkontru semanal ho Xefi estadu Francisco Guterres Lú Olo iha Palasíu Presidensiál segunda (25/04/2022).
MAE Miguel afirma, montante osan ba serimónia ida ne’ebé mak ki’ik liu kompara ho tomada de posse 2012 ho 2017, 2012-2017 ne’e estadu gasta osan 6 milioens ba atividade tomada de posse.
Preparativu ba atividade ne’e atinje ona 30%, sei iha tempu ba loron 25, nune’e bele antiji antes loron 19, komisaun organizadora preparadu garanti sei konkuindu hodi bele realiza atividade ne’e”, dehan MAE Miguel.
Entretantu MAE Miguel, kona ba komvidadus ne’ebé mak atu partisipa iha serimónia tomada de posse ne’e labele fo hatete lai, se se mak komvida, tanba informasaun sira ne’e sei fo sai husi gabinete sira, MAE hetan ona informsaun komvite fo sai, semana ida ne’e nia laran i fo sai, pois hatene se se mak skomvida.
Kovvidadus sira hanesan bainbain xefi estadu sei konvida omólogu, xefi governu konvida omólogu , no mos Presidente Parlamentu Nasionál sei konvida nia omólogu sira”, dehan MAE Miguel ba jornalista sira.
Iha enkontru semanal ne’e Ministru Administrasaun Estatàl Miguel perreira de Carvalho ho Ministra Negósiu estranjeiru Adaljiza Magno realiza enkontru semanal ho atùal Presidente Repúblika Francisco Guterres Lú Olo, toka asuntu konaba Preparativu ba serimónia tomada posse Presidente eleitu.
Jornalista : Rita Moniz
Editór : Agapito de Deus
