Lafaek News–Administradór postu administrativu Reméxio munisípiu Aileu, Gastão Mendonça hateten, estrada internal postu Reméxio tinan-bailoron nafatin hela de’it, pedidu hatoo ona atu buka alternativa loke estrada husi Beluru liga Kero ba Aikoerema, maibé governu sentral seidauk konsidera proposta husi postu Reméxio.
Administradór Reméxio afirma, iha tempu ne’eba governu liu husi Obras Publika mai haree ona kondisaun estrada Reméxio, laran metin loos atu normaliza estrada ne’e, maibé sira mai halo emerjénsia de’it, tanba tempu ne’e ai boot ida mos monu satan hela iha dalan MOP mai tesi mak ai tohar ne’e, hadia liu de’it too agora kondisaun estrada mak laiha mudansa no at ba nafatin.
Too agora kondisaun estrada mak laiha mudansa no at ba nafatin,’’ dehan administradór postu Reméxio, Gastão Mendonça ba lafaek news iha nia kna’ar fatin postu Remxio, tersa (26/04/2022).
Maibé, nia dehan, nu’udar administradór postu nunka tuur nonok iha fatin, sempre hatoo proposta ba governu liu husi administrador munisípiu, konsege fanu MOP mai survey iha semana kotuk liubá, no mos iha tinan kotuk akontesimentu dezatre naturais iha loron 4 Abril 2021.
Ita iha hanoin seluk ruma katak inves de ida ne’e dalan alternativu seluk balu mak ita la atensaun, haree de’it ida ne’e, ita mos iha alternativu seluk maka hakarak estrada foun mai hosi Beluru atu liga mos iha Kero mai Aikoerema mai iha postu ne’e rasik, ne’e mos karta haruka ona ba maibe nia prosesu mak seidauk rona,’’ Gastão argumenta.
Hodi dehan, hahú hosi fulan Janeiru 2022, mai to agora kuandu udan mak mai la para hela de’it husi semana to fulan, transporte sira ne’ebe mak tama sai iha postu Reméxio buka pazajeirus sira ne’e la sirkula hotu kedas, maibé preukupasaun hotu hatoo ona ba governu sentral liu husi munisípiu, maibé too ohin laiha resposta pozitivu husi governu sentral ba administrador munisípiu Aileu.
Administradór Reméxio ne’e relata katak, postu ne’e la’os problema de’it ba estrada, ihs mós kestaun kona-ba liña eletrifikasaun iha suku Liurai seidauk haree naroman iha tempu kalan komunidade sira moris iha nakukun laran dezde tempu Indonézia too ohin loron, sorte suku hitu eletrisidade lakan ona, falta suku ida Liurai.
total populasaun postu administrativu Reméxio hamutuk 14,534, kompostu husi mane 7.393, feto 141, uma kain hamutuk 30.86, total aldeias 27 no sukus hamutuk 8, ho area luan 212,09. baliza ho munisípiu Manatutu ho Dili.
Estajiadu : Nicolao Fernandes
Editor : Agapito de Deus
