Lafaek News–Movimentu Universitáriu Timor Loro sa’e (MUTL), preukupa presu nesesidade maka’as iha merkadu nasional ne’ebé deskonfia kompania sira mak halo manipulasaun hodi hasa’e foin tuir ida-idak nia gostu.

Ita hotu hatene katak estadu Timor Leste opta sistema merkadu livre no lei fo dalan ba sidadun hotu-hotu livre atu halo negósiu iha merkadu lokal no merkadu nasional, maibe sasan importasaun deside presu tuir kbi’it ne‘ebe maka povo bele asesu no kontrola makas husi MTCI liu husi diresaun AIFAESA maka bele kontrala sasan folin iha merkadu ne’ebe eziste Timor-Leste,’’dehan porta voz MUTL Denies Saebaku ba jornalista sira iha UNTL, Kuarta (27/04/22.)

Porta voz MUTL ne’e afirma, iha emprezáriu sira ne‘ebe maka importa sasan nesesidade báziku mai Timor manipula sasan folin tuir sira nia hakarak, tanba aproveita fali situasaun festa demokrasi ida ne‘e atu bele nesesita fali ba emprezáriu sira nia interese. 

Emprezáriu loja kios sira manipula folin sasan importasaun tuir sira nia hakarak maka AIFAESA sei fo sansaun multa ba sira ou fo samada atensaun, akontese tan sei simu multa ou taka atividade negósiu iha Timor no produtu ne‘ebe produs iha rai laran nian maka deside folin, maibé tuir dunik presu merkadu fasil ba entidades hotu atu konsumu,’’ porta voz MUTL ne’e akresenta.

MUTL konsidera situasaun ne’e ladun favorese ba povu kiik ne’ebé laiha rendimentu no laiha salariu fulan-fulan, husu governu atu buka solusaun oinsa solusiona problema presu nesesidade báziku sa’e ba bebeik iha Timor Leste.  

Tanba ne’e MUTL husu governu atu toma atensaun ba iha problema ne’ebe povu kbi’ib laek infrenta dau-dauk maka hanesan tuir mai ne’e, husu ba AIFAESA atu tun direita ba tereinu hodi kontrola folin sasan nesesidade bajiku iha merkadu ne‘ebe maka sae makas hodi in filtra povo kibit laek sira, susar atu sosa hodi koresponde ba nesesidade familiar,  husu ba governu atu tau atensaun másimu ba emprejariu loja, kios sira ne’ebé maka monopoli sasán nesesidade báziku nia folin tuir emprejariu sira nia hakarak no husu mos  DNTT atu esklarese ba publiku relasiona ho transporte publiku liu-liu maka Mikroleta (Bemo) halo asaun mogok hodi difikulta estudante no sidadaun bai-bain atu hala’o nia aktivavidade,’’porta voz MUTL ne’e hakotu. 

Estajiadu: Osias Eco 

Editor     : Agapito de Deus