Lafaek News–Prezidente Repúblika Eleitu períodu 2022-2027 José Manuel Ramos Horta husu Presidente Repúblika Francisco Guterres Lú Olo tulun halo diálogu ho lider nasionál no partidu polítikus hodi bele haklean demokrasia no hametin dame.
Prezidente Repúblika eleitu períodu 2022-2027, José Manuel Ramos Horta, deklara asuntu ne’e hafoin halao enkontru dahuluk ho atùal Prezidente Repúblika Francisco Guterres Lú Olo iha Palasíu Presidensiál kuarta (27/04/2022).
Ha’u mos husu Presidente Repúblika nian tulun atu halo diálogu ho lider nasionál sira, partidu iha Parlamentu Nasionál iha liur atu bele haklean demokrasia no hametin dame, no haree mos ita nia ekonomia ne’e bele Lao ba oin”, dehan Presidente Repúblika eleitu períodu 2022-2027 José Manuel Ramos Horta.
Tuir Presidente eleitu ne’e katak, tinan 5 mai ne’e sei dezafiu boot iha area barak maibé inklui area ne’ebé importante loos mak area ekonomia.
La’os knaar Presidente nian maibé ita haree krize ekonomia, sosila ne’e ita labele hatete ona ne’e laos knaar Presidente nia, Presidente iha autoridade moviliza governu Parlamentu Nasionál hodi fo resposta ba krize sira ne’e”, tenik PR eleitu Ramos Horta.
Horta dehan ba Prezidente Repúblika Fransisco Guterres Lú Olo atu aseita kona-ba diálogu ne’e hein de’it, Prezidente eleitu kontaktu ona agora da-daun hahú husi prezidente no lider balun, klaru ho Kay Rala Xanana Gusmão enkontru ona ho elementus balun governu nia, espera konsentrasaun diálogu ne’e la’o di’ak.
Entretantu Prezidente eleitu períodu 2022-2027 nia parte kona ba serimónia tomada de posse ne’e xefi estadu atual mak fo komvie se se mak atu partisipa, pesoál konese lider sira balun haruka ona komvite pesoál ho Presidente eleitu karta pesoál sira, balun haruka liu husi Whatchaap no kontaktu direta husi telefone, Presidente eleitu sei simu posse iha loron (20/05/2022).
Jornalista : Rita Moniz
Editór : Agapito de Deus
