Lafaek News— Portavós Polísia Nasionál Timor Lorosa’e (PNTL), Superintendente Xefe Arnaldo de Araújo, informa maizumenus iha oras 05:20 madrugada Kamioneta ne’ebé tula sasán cesta bázika ba Vikeke hetan asidente tráfegu iha Suku Manehat, Postu Administrativu Natarbora, Munisípiu Manatuto.
“Karreta ne’e governu aluga hodi tula sasan cesta bázika, atu lori ba munisípiu Vikeke, maibé to’o suku Manehat karreta ne’e hetan dezástre ka baku fila. Iha akontesimentu ne’e rezulta ema na’in tolu mak kanek no sasán sira monu estragus hotu,” dehan portavós PNTL Arnaldo ba jornalista, iha komandu jerál Kaikoli-Dili, tersa (01/12).
Alende ne’e mós portavós PNTL Superintendente Arnaldo de Araújo afirma, parte polísia Manatuto to’o kedas iha fatin akontesimentu hodi halo investigasaun nune’e bele hatene loloos ninia kauza. Dehan nia, tanba fatór umanu ka problema seluk hodi rezulta asidente refere.
Jornalista : Orlando Magno
Editor : Ezequias Tomás
