Lafaek News—Forum Organizasaun Naun-Governamentàl Timor Leste (FONGTIL), Daniel Santos do Carmo, enkoraza joven Maubara-oan ne’ebè finalist husi UNTL departamentu kìmika atu kontinua dezenvolve transformasaun Tasi-Ben ba Bee Mòs atu reduz importasaun bee aqua husi estranjeiru.
“Husu joven kreatividade sira kontinua dezenvolve no promove ida ne’e hodi bele hamenus importasaun husi rai liur,” dehan Diretór FONGTIL, Daniel Santos Carmo, hafoin abertura formasaun ba membru NGO sira iha Salaun FONGTIL Kaikoli, (12/08/2020).
Tuir hanoin husi diretór FONGTIL ne’e katak joven ne’ebé iha ideia inovativu tenke konsidera sira hanesan sosiedade sivíl, maibé sira seidauk rejistra formalmente tuir lei ne’ebé iha maski sira halo hela atividade ekonomia kreativu sira.
Maibé presiza dezenvolve setór atividade kreativu sira hanesan ne’e, tanba importante atu promove kreatividade sira hanesan transforma Tasi-Been ba fali bee mós ne’ebé ema hotu konsumu.
“jatamente inisiativa sira ne’ebé iha ne’e mosu para oinsá ita nia governu no estadu insentiva atu inisiativa sira ne’ebé la’o depois ita bele too ba produsaun ne’ebé barak no kualidade, ita bele substitui proporsaun sira depois ita bele reduz ona importasaun tanba ita nia produsaun natoon ona para ita uza,” dehan Daniel.
enkuantu joven ne’ebé transforma tasi been nakfilak ba bee moos ho naran, Luciano dos Santos Pereira, nu’udar finalista UNTL departamentu kímika, moris iha aldeia Raeme, suku Watuwou, Postu-administrativu Maubara, munisípiu Likisá ho idade (26) hamutuk ho nia ekipa na’in ualu husi Universidade da Paz.
Jornalista : Egidio Nono
Editora : Nelya Barros
