Likisa Lafaek News – Komunidade Munisipiu Likisa sente onradu tebes ba sira nia Juventude neebe ho nia matenek hodi transforma Tasi been sai Be mos hodi fornese ba Komunidade atu bele uza ba sira nia nesesidade uma laran.
Informasaun nee hato’o hosi Vendedor, Eminentias ba Lafaek News, iha nia hela fatin Segunda, (10/08/2020).
“Ami kontente ho ami joven Likisa oan duni ne’ebe matenek tebes hodi kria rasik kampu servisu ba nia aan no transforma tasi be’en sai ba be’e ne’ebe ami hodi konsumu nomos ami sente orgullo ho be’e ne’ebe ami konsumu ne’e tamba sente gostu no diak ba ami nia saude” dehan nia.
Nia dehan, be’e gallon ne’ebe ho marka TASI LIKISA E MO hahu kobre kios ki’ik oan sira iha Munisipiu Likisa atu bele oferese be’e nebe’ebe saudavel ba komunidade sira.
“Be’e gallon neebe ho marka foun ne’e nia sabor gostu no furak tamba ne’e mak hau hakarak sai kliente ba sira nia gallon hodi faan iha ami nia kios ida ne’e no durante nee hau faan ona iha ne’e maibe komunidade sira seidauk mai hato’o keixa dehan be’e la kualidade maibe komunidade sira sempre dehan be’e ne’e di’ak” vendedor nee aumenta.
Aproveita ida nee nia husu ba Kominidade tomak atu hola sasan karik hola mak buat ne’ebe Timor oan rasik produs tamba bele kontribui ba Timor oan sira hodi fo fali servisu ba sira seluk.
“Tan ne’e hau agrdadese tebes ba kreatividade joven sira nian hodi hamosu ideias foun iha ita nia rain I espera ba oin ita bele suporta ba malu atu nune’e labele para iha dalan klaran” nia husu.
Folin ne’ebe Kompanha fo ba nia kada presu husi gallon ida ho folin US$. Centavu 0,50, no nia parte faan tutan ba komunidade ho folin US$. 1.00, i kada semana Komunidade kuaze hola gallon rua nulu husi kios ne’ebe faan produtu gallon nee.
Jornalista : Anselmo Monteiro
Editor : Paqhar Malay
