Lafaek News–Fatór tolu kompostu husi estbilidade governativa, dezempregu no dez-unidade, fator tolu ne’e mak motiva Angela Freitas ba kandidata an dala ida tan iha eleisaun prezidénsial periodu 2022-2027, (tanpa gajih) la ho salariu kada fulan.
Tuir observasaun husi Angela Freitas ba iha governasaun hirak ne’ebé kaer poder hahú husi sétimu governu konstitusional lidera husi Marí Alkatiri ho oitavu governu konstitusional ne’ebé lidera husi jeneral Taur Matan Ruak, seidauk fo solusaun ba problema iha Timor, infelizmente hakiak dez-impregu, laiha estabilidade governativa no dez-unidade hamosu diverjensia polítika entre lider partidu, kauza husi hahalok hirak lori impaktu direta ba povu kiik moris ho mata-wen.
Tanba saida ha’u hakarak kandidata an ba Prezidente Repúblika, primeiru ita haree ba estabilidade governativa, segundu haree problema ne’ebé maka joven sira hasoru tinan ba tinan dez-empregu ass tebes, terseiru dez-unidade ita nia sidadaun sira kauza husi diverjénsia polítika, ita presija iha duni mudansa, politikamente durante ita haree katak ema barak sai vítima, ida ne’e maka lori Ha’u hakarak kandidadat an hatudu iha palku polítika responsabilidade nu’udar inan ida oinsá bele kontribui ba prosesu polítika iha rai laran,” katak Angela Freitas ba Lafaeknews sesta semana ne’e.
Ángela Freitas, hatoo nia kompremisiu katak baihira sai prezidente repúblika, sem salariu, (tanpa Gajih), osan sei hadia edukasaun di’ak ba ema oan kiak, defisiénsia no hadia inan faluk sira nia moris iha dignu.
Nia katak, estabilidade governativa nia kauza durante ne’e paraliza tiha ekonòmia rai laran, la fo dez-empregu aumenta, joven barak halai ba liur hodi buka servisu iha ema rain moe ba estadu Timor iha ne’ebé? Ukun An tinan 20 ona más indústria kiik oan ida mós laiha, atu minimza dez-empregu asaun brutalizmu entre joven iha rai-laran primeiru tenke kria indústria atu fahe servisu ba joven sira.
Ita hare’e katak estabilidade governativa durante ne’e iha, maibè paraliza tiha ekonomia rai laran halo povu barak maka halerik nafatin ho injustisa sosiàl ne’ebè maka iha.” argumeta Nia.
Nia hatete tempu ona atu jerasaun foun sira atu kontinua fila-fali obra ne’ebè lider anterior sira hanesan Avo Xavier, Nicolau Lobato no sira seluk tan ne’ebé iha espirtu matenek atu lori povu ne’e ba naroman, jerasaun foun mós iha komitmentu hakarak hasai povu husi ki’ak no mukit.
Ángela dehan, ukun an la’os atu sakrifika povu husi ekonomia sustentabilidade, edukasaun, saúde no agrikultura, tenke haburas ekonomia liu husi setor agrikultura, investe matenek liu husi edukasaun hadia saúde atu hadook povu husi gripe oi-oin, maibé realidade ohin loron estabilidade governasaun la klaru no hodi hakiak injustisal sosial iha sosiedade Timor Leste.
Ikus liu nia dehan, Kna’ar Prezidente Repúblika atu garante unidade nasionál, garante sobernia Timor atu define lolos fronteira tolu kompostu husi rai-maran (terrestre) fronteira tasi (marítima) no baliza loron leten (aero) tenke iha fronteira ne’ebé lolos hodi haketa riku soin Timor nian ema labele esplora.
Entretantu, kandidatu hirak ne’ebé admite husi tribunal hamutuk 17 kompostu husi feto nain-4, no mane hamutuk ema na’in 13, preparadu hodi kompete iha festa eleisaun prezidensial periodu 2022-2027.
Jornalista : Joao da Costa Soares
Editor : Agapito de Deus
