Lafaek News–Governu Estadus Unidus Amerika (EUA), liu husi COVAX no koordena ho UNICEF apoiu aimoruk vasinasaun pfizer ba Timor-Leste, hamutuk 100.620 dozes.
Emkarregadu Embaixador EUA Timor-Leste, Tome Dilley informa, EUA apoiu Vasina Pfizer liu husi inisiativa COVAX ba estadu Timor-Leste hodi kombate pamdemia.
Vasina Pfizer ne’ebé ohin haruka mai husi EUA liu husi COVAX hamutuk, doze 100.620 apoiu Timor-Leste hodi kombate Covid-19 iha rai laran,” dehan Tome Dilley ba jornalista iha Aeroportu Internasional Komoro Dili, Sabadu 12/02/2022
Tome Afirma, apoiu ne’e hanesan parte ida, husi sira nia promesa hodi oferese vasina Pfizer ne’ebé husi inisiu to’o agora hamutuk doze 200.000 resin ne’ebé ajuda ona Timor-Leste hodi kombate Covid-19 iha rai laran.
Ami kontente tebes halo parseria ho UNICEF no governu Timor-Leste hodi ajuda malu kombate pandemia COVID-19 hodi hakotu pandemia iha Timor-Leste,” Nia apresia.
Tome esplika, saida mak durante ne’e EUA halo sei kontinua no la haree de’it ba Covid-19 maibé sei haree mós variante sira seluk ne’ebé sirkula iha mundu inklui Timor-Leste, tanba ne’e husu populasaun sira atu nafatin kumpri medidas preventiva ne’ebé parte saúde fó sai ona
iha fatin hanesan, Diretór Aproviozionamentu Sames, Nelson da Costa Coreia esplika, nia parte sente Apresia tebes ba apoiu hirak ne’e tanbá EUA sempre ajuda Timor-Leste.
EUA nia apoiu ne’e la’os primeira vez maibé sura ho ida agóra sira apoiu vasina Pfizer ba ita hamutuk dala tolu ona hahu husi tinan kotuk 2021″ Nelson deklra.
Nelson Reaforma, kondisaun armajen sames nian dadaun ne’e iha preparasaun di’ak antes vasinasaun ne’e mai tanba UNICEF mós apoiu Sames hodi sosa jalera UNP, ne’ebé oras ne’e halo tiha ona instalasaun iha Sames.
Armajen Sames dadaun ne’e sufisiente atu tau Aimoruk no ita iha planu ba semana oin sei halo instalasaun iha rejional Baukau, Maliana, Ainaru inklui RAEOA tanba ita preve hotu ona iha ne’e maibe RAEOA nia jelera mak seidauk iha,” nia Esplika.
Observasaun jornalista Lafaek News iha terenu nota, Aimoruk vasina Pfizer ne’ebé apoiu husi EUA mai Timor hamutuk 100.620, too iha aeroportu internasional Nicolau Lobato Komoro Dili, ohin sabadu 12/02/2022, tuku 02:10 lorokraik ho aviaun marka TRI-M.G Asia Airlines.
Jornalista : Orlando Magno
Editor : Agapito de Deus
