LafaekNews-Faktus hatudu iha Video oknum Polísia Nasionál Timor-Leste ( PNTL ) tenta tuda nu’u ba pesoál negosiante ho naran Octavio Thal, tanba obriga negosiante tenke hatun hotu nu’u laloir ne’ebé lor-loron faan atu bele sustenta nesidade família nian.
Tuir kronolojia iha video ne’ebé viral iha mídia sosiál katak, Oknum Polísia obriga negosiante ne’e, tenke hatun nu’u husi tiga roda leten, maibé vitima ne’e la hatun lalais oknum polisía ida máka hatun no so’e de’it ba rai iha pontu estrada tasi-tolu.
Bazeia ba vdeo ne’ebé lafaekNews asesu husi sasin ida ne’ebé asiste direita iha fatin akontesementu, hatudu membru polisía mák obriga negosiante hatun, maibé la hatun lalais Oknum Polisía ida máka hatun rasik nu’u laloir husi tiga roda leten hodi so’e de’it ba valeta ku’ak máka vitima hakilar “Ne’e Ha’u lakon Osan no lakon Vida”
“Maun labele duni, ne’e ha’u lakon osan ne’e, depois Polísia hatan “Nusa” Vitíma kontinua ko’alia dehan ko’alia didi’ak karik ha’u hatun lalais de’it, ha’u lakon osan ne’e no ha’u sa’e lori ha’u nia vida, dehan vitima hafoin diskute malu ho polisía ho hatan loron tama hatene ka lae? depois ho liafuan ne’e Oknum Polísia ida tuku direita ba vitima nia matan laran,” dehan Vitima Negosiante Nu’u, iha Vídeo viral iha mídia sosiál, Domingu (24/05/2021)
Tuir sasin ne’ebé observa direta akontesimentu ne’e iha terrenu nota, nia parte haree ho matan, katak, membru PNTL mak tenta atu tuda negosiante nu’u ne’e, la’ós negosiante máka tuda membru PNTL ne’e.
“Ha’u ohin haree ho matan vitima la lori nu’u tuda Polisía ne’e, maibé polisía mak tenta hodi nu’u tuda ba negosiante ne’ebé hetan agresaun fiziku,” dehan fontes anonimu.
Nune’e, rezolusaun governu nú 45/2021, 29 abril, ne’ebé impoin fila-fali Konfinamentu Domilisiáriu jerál ba populasaun iha munisípiu Dili, hahú 30 Abril to 13 maio 2021, fo biban ba Merkadu, tiga roda, kios, Ai leba bele fa’an ai han sasan ka servisu esensiál.
Deklarasaun hosi mídia PNTL nia pajina hatudu katak, ladun neutru ba nia povu sira, tanba deklarasaun iha pajina PNTL la hatudu faktus ne’ebé máka la relavante ho video ne’ebé máka viral iha mídia no sasin ne’ebé akompaña agresaun fiziku ne’e hatudu momos ba negosiante nu’u ne’e to’o remata.
Jornalista : Acacio Pinto
Editór : Floriano Soares
