LafaekNews-Estudante Timor-oan ida husi Munisípiu Baukau ne’ebé eskola iha Universidade Warmadewa (Unwar) Bali Indonézia, fakuldade Agrikultura, departamentu Agua e Pescas (Marine Coastal Conservation) hetan valór IPK 3,59 boot liu iha Universidade Unwar Bali.
Estudante ne’ebé valór boot ne’e ho naran, Rosito Da Costa Freitas, eskola durante tinan tolu, fulan hitu iha Universidade Warmadewa (Unwar) Bali, Indonézia, no nia hahú estudu iha 2017 remata iha 30 de marsu 2021.
Rosito da Costa Freitas
“Prosesu ne’ebé hau estudu ba, senti todan uituan wainhira momentu ha’u remata eskola iha sekundária ha’u hakarak eskola, maibé ekonómia uma laran la sufisiente, entaun ha’u tenke ba servsu iha rai Inglatera rai osan depois ha’u mai eskola fali iha Bali Indonézia, no iha ne’eba mós família no maluk barak suporta ha’u iha parte orsamentu no morál mai ha’u, iha rai Indonézia nomos ha’u servisu parte tempu hanesan scientific Driver komesa husi ha’u hahú eskola to’o remata no hetan valor boot liu iha fatin ne’ebé eskola ba,” informa estudante finalista Rosito da Costa Freitas ba lafaeknews.com liu husi via Whatsap, Domingu (23/05/2021).
Rosito da Costa Freitas, moris iha Aldeia Ána-Ulo, Suku Bahú, Munisípiu Baucau, oan husi Tómas Da Costa Belo, no Inan naran, Marcelina Laurentina Freitas, Rosito hanesan oan da neen (6) husi Maun Alin na’in 10, foti nia lisensiatura iha Agua e Pescas (Marine Coastal Conservation) no remata nia estudu durante tinan 3 fulan 7 ne’e konsege hetan Valór 3,59 ho nia monografia ho titulu Struktur Komunitas Bulu Babi (Echinoidea) liu husi Yudisium iha loron 21 fulan maiu Tinan 2021 iha Bali Indonézia.
Rosito esplika, sente orgullu tanba hetan valór boot liu wainhira estuda iha ema nia rai no matenek ne’ebé nia hetan iha indonézia nia fila mai Timor nia sei kontribui matenek ne’ebé nia hetan atu kontribui ba dezenvolimentu Timor liuliu iha parte Agua no Peskas.
Jornalista : Acacio Pinto
Asisten Editór : Egidio Nono
