SEGURANSA · 5 Feb 2021 10:14 ·

FAB Taa Nia Fen Rasik Hafoin Lori Hela Oan Ba Eskola


FAB Taa Nia Fen Rasik Hafoin Lori Hela Oan Ba Eskola Perbesar

Lafaek News—Segundu Komandante Munisípiu Dili, Superintendente Euclides Belo informa, mosu tentativu Omesídiu ne’ebé ohin Sesta (05/02/2021)  dadeer tuku 08:00 akontesimentu ida akontese, bainhira vítima DI lori oan ba eskola derrepente suspeitu FAB taa vítima iha dalan klaran.

Vitima DI latan iha rai hafoin taa husi nia laen kaben.

Superintendente Euclides relata, Suspeitu ho vítima hanesan fen-laen no akontesimentu ne’e mosu iha Area Surikmas suku Bairu-Pite munisípiu Dili, maibé fen ho laen ne’e hela iha Kaukalidun Dili.

“Tuir informasaun ne’ebé komandu Dili rekolla iha terenu katak, Vítima DI lori nia oan ba eskola derepente ninia katuas oan  hapara motor iha dala depois suspeitu  FAB halo asaun krime (taa) Vítima DI nia oin, liman, no taa vítama nia ain loos parte kelen,” informa Euclides ba Lafaek News iha nia knaar fatin Kaikoli Dili, Sexta 05/02/2021.

Nia afirma, Kanek ne’ebé vítima hetan kanek iha parte tolu tanba ne’e atu hatene informasaun husi gravidade kanek ne’ebé vítima sofre ne’e kompeténsia médiku nian, termu jerais PNTL bele fo sai.

Nia konta, hafoin akontesimentu ne’e hotu Suspeitu dezvia tiha husi fatin akontesimentu, maibé Polísia Nasionál Timor-Leste buka tuir too hetan hodi kaptura suspeitu FAB.

“Ohin ami simu informasaun iha fatin akontesimentu entaun polisia buka tuir kedas suspeitu depois ami komunika kedas ba seksaun investigasaun ne’ebé toma konta ba kriminal inklui mos seksaun servisu rekolla informasaun  ka intelizen hodi buka tuir suspeitu FAB,” katak segundu komandante munisípiu Dili ne’e.

 Núne’e mos Segundu Komandante ne’e Esplika, ohin sesta 05/02/2021 oras tuku 02:00 loro-kraik suapeitu estrega aan ba autoridade polísia ida iha Lavandaria, tanba autoridade polísia ne’e sei iha relasaun familia ho vítima entaun polisia ne’e komunika kedas ba kamandu Dili.

“Bainhira hau simu kontaktu husi membru poliaia ida katak suspeitu entrega aan ona ba nia entaun Hau ho ekipa Polisia Nasional Servisu  investigasaun Kriminal (PNSIK), no ekipa patrollamentu too kedas iha fatin ne’ebé suspeitu entrega aan hodi kaptura suspeitu FAB,” Euclides hatete.

Bainhira PNTL kaptura tiha suspeitu segundu komandante ne’e husu konaba evidensia ne’ebé suspeitu uza halo krime hanesan Motorizada, sasán kroat (Katana), ne’e suspeitu soe hela iha fatin akontesimentu.

Nia realsa, sasan ne’ebé suspeitu FAB uza hodi halo krime hanesan Katana ho motoriza evidénsia sira ne’e agora iha ona seksaun servisu kriminal nia liman no motor ne’ebé nia uza agora iha ona kamandu munisipiu dili.

“Da-daun ne’e suspeitu detein hela iha sela Komandu PNTL munisípiu Dili durante oras 72 depois tuir prosesu no mos vítima DI iha hela ospitál halo tratamentu ba nia Saude, tanba PNTL nia medida mak rekolla informasaun no halo kapturasaun ba suspeitu.

“Prosesu inisial ne’ebé ami fo sai nu’udar ami nia metódu ne’ebé polísia utiliza atu bele halo prevensaun núne’e ita antisipa suspeitu labele halai lakon ba fatin seluk,” Nia deklara.

Núne’e mós Komandu munisipiu Dili seidauk bele fo sai informasaun kona-ba motivu akontesimentu ne’e mosu, ho razaun vítima DI nia kondisaun grave, nune’e sei halo tratamentu iha Hospital Nasional Guido Valadares (HNGV).

 

Jornaliata   : Orlando Magno

editora       : Nelya Barros

1,724 Views
Artikel ini telah dibaca 43 kali

badge-check

Editor

Baca Lainnya

PR Sujere MD Hametin kooperasaun Ho Nasaun Viziñu

21 December 2023 - 11:11

Orservasaun hosi Fundasaun Mahein kona-bá Eleisaun Lideransa Komunitaria tinan 2023

28 November 2023 - 08:35

PR Husu Autoridade Defeza-Seguransa Garante Estabilidade Rai-Laran

24 November 2023 - 12:40

Observasaun FM ba Realizasaun Programa 120 Dias ba Setor Seguransa IX Governu Konstitusional

23 November 2023 - 15:01

PR Sei Kondekora Timor-oan  2009  Iha Loron Proklamasaun independénsia Ba Bala-48

16 November 2023 - 17:00

Aluc

Koronel Domingos Dúvida Ho Karta Ezonerasaun Husi Primeiru Ministru

4 September 2023 - 14:16

Trending di SEGURANSA