Lafaek News_Estudante Bolsa hakbit Hamutuk 3.030 la konkorda ho dezisaun IX governu nian ne’ebé muda Bolsa hakbit ba bolsa parsial, sei fo impaktu ba kbiit laek nian oan sira atu asesu ba ensinu prosesu aprendizajen iha ensinu superior.
Nelson da Silva nudar portavoz ba estudantes benefisiariu bolsa hakbiit, nia hateten bazea ba estudante Bolsa hakbit ne’ebé naran sai iha lista hodi muda ba bolsa parsial, sira la konkorda ho desizaun governu ne’ebé deside muda bolsa hakbiit ba bolsa parsial.
“Bazea ba ami nia naran ne’ebé mak sai iha lista muda fali ba parsial naran ne’e sai, maibé ami la konkorda ba iha bolsa parsial tanba muda ba iha bolsa parsial ezatamente ami povu kbit laek nia oan labele asesu ensinu de aprendizajen iha ensinu superior sira, “
Nelson akresenta, muda bolsa hakbit ba bolsa parsial oinsá ho estudante sira ne’ebé mak hala’o sira ania estudu iha universidade privadu susar atu selu kos, kopia no osan selu mikrolete, tanba Bolsa Hakbit ne’e moris atu hakbit ema ne’ebé kbit laek, la’ós atu hakbit fali ema ne’ebé mak osan nain, la’ós hakbit ema ne’ebé ukun nain tanba Bolsa Parsial governo sei selu de’it profinas.
“Muda iha bolsa parsial konserteza ami hetan de’it sorin sira selu de’it ami nia profinas de estudu maibé kustu moris nian sira halakon total, entaun husi ida ne’e ami la konkorda totálmente ho dezisaun lX governu nian taka bolsa hakbit hodi muda ba bolsa parsial,” Nels sublina.
Iha konferénsia imprensa ne’e Nelson fundamenta, orsamentu jeral estadu aprova atu dezenvolve rekursus humanu iha Timor Leste, tanba rekursus umanus hanesan rekursus potensial ne’ebé di’ak hodi hamrik atu bele ko’alia kona-ba sustentablidade no dezenvolvimentu ba rai-doben Timor Leste.
Entretantu estudante hamutuk 3.030 mak hetan bolsa hakbiit husi Fundu Dezenvolvimentu Capitál Humanu (FDCH), kompostu husi Universidade privadu inklui Universidade Nasional Timor Loro Sa’e (UNTL) hodi ezije FDCH liu husi konferénsia imprensa iha Jardin 5 de Miu.
Jornalist : Felix Fernandes
Editor : Agapito de Deus
