Lafaek News—Xefe suku Fatukeru postu administrativu Railako munisipiu Ermera, Leoncia Trindade hatoo agradesimentu ba juventude kreativa iha suku ne’e tanba bele motiva Joven Fatukeru sai kreativu mós hanesan joven sira hosi munisipiu seluk ne’ebé hala’o Interkámbiu iha suku Fatukeru.
“ Ha’u apresia no agradese tebes ba interkámbiu ida ne’e tanba halibur juventude kreativu sira husi munisipiu hotu mai iha ne’e bele motiva juven Fatuquero sai kreativu liután hanesan joven sira selu,” Xefes uku Fatukero Leoncia Trindade ba jornalista sira iha Fatukero foin lalais,.
Iha sorin seluk Country Diretor OXFAM Timor Leste, hateten atividade ne’e sei kontinua atu dezenvolve joven sira ne’ebé involve iha atividade produtivu hanesan espasu ida atu Joven aprende ba malu iha atividade kreatividade sira hosi munisípiu , no grupo ne’ebé partisipa sai joven influensa iha sira nia munisípiu ida-idak.
Objetivu husi interkámbiu no expo ne’e mak atu lori joven kreativu sira ne’ebe mak iha grupu inovasaun husi munisipiu sira seluk mai vizita grupu joven kreativu iha Ermera hodi bele aprende ba malu esperiensia prátika sira nune’e bele inspira malu no kria rede emprendedorismu ida forte iha Timor-Leste hodi garante produsaun rai-laran ida ne’ebe sustentável.
interkambiu ida ne’e sei lori joven hamutuk 50 husi grupu kreativu sira halo akampa iha resintu TILOFE iha Raegero Aldeia Palimano Suku Fatuquero Postu Administrativu Railaco munisipiu Ermera, Interkámbiu juventude kreativu ho tema lori matenek fila ba baze hodi hahoris ekonomia rural no ba ba nsaun.
Expo Juventude Kreativa hanesan programa ida ne’ebé inísia husi organizasaun local hirak hanesan TILOFE, EAMO no FJDE no APFTL ho kolaborasaun no apoiu Husi Oxfam Timor Leste liu husi Projetu Hakfoun ne’ebé lidera diretaa Husi Timor Leste Organic Fertilizer Sigla TILOFE.
Liu husi kolaborasaun ho entidade hotu governu lokál no rede sosiedade sivil ho mehi ida lori joven sira ne’ebé susesu ona aprende ba malu hodi hadi’ak liután diversifikasaun ekonomia ho mikro pequenas indústria no lori foinsa’e sira oinsá lori hikas matenek fila ba baze hodi hamoris ekonomia rurál.
Programa ba interkámbiu kreativa ne’e hala’o abertura iha interkámbiu iha TILOFE Raigero Fatuquero husi, involve joven kreativu husi munisipiu 12, inklui RAEOA hodi halo tour vizita ba grupu susesu sira ne’eebé identifikadu no mos sei ensera expo juventude kreativu iha kampu demokrasia Gleno. Programa Interkámbiu no expo no hala’o durante loron 4 hahu husi 24-27 de Juñu 2024.
Jornalista : Acacio Pinto
Editor : Agapito de Deus