EDUKASAUN · 26 Jun 2024 09:59 ·

CI Ho Abc Internationl Development Fasilita Formasaun STORY-Telling Ba Jornalista


CI Ho Abc Internationl Development Fasilita Formasaun STORY-Telling Ba Jornalista Perbesar

Lafaek News-Konsellu Imprensa Timor-Leste (CI), Tersa, 25/06/2024, servisu hamutuk ABC International Development (ABCIS) fasilita formasaun story telling (hatoo istória) ba jornalista sira atu bele haklean liután sira ninia koñesimentu.

Prezidente Konsellu Imprensa Timor-Leste (CI-sigla portugés), Otelio Oté, haktuir objetivu husi formasaun ne’e rasik, atu reforsa kapasidade jornalista nian hodi konta istória iha kontestu jornalismu, atu nune’e komprende hakerek obra jornalístiku iha formatu story-telling ka hato’o istória ba plataforma média oi-oin, nune’e jornalista hotu bele sai kritiku no hanoin ne’ebé mai ho kritiku bainhira produs obra jornalistiku iha formatu story-telling.

CI ho ABC International Development, realiza programa formasaun ida ba jornalista sira kona-ba story-telling ka hato’o istória, tanba iha mundu jornalistiku, jornalista barak hala’o ona kobertura hodi hakerek notisia, maibé jornalista sira seidauk hatene loloos saida mak ita bolu story-telling ka hato’o istória, atu nune’e eleva kapasidade teknika jornalistika sira nian, nune’e ita nia jornalista sira ne’e, iha jestu ka iha talentu ida especial liu oinsá hakerek notisia, tanba ne’e ita espera katak ho formasaun ida ne’e remata kolega jornalista sira bele sai embreu ida ba kolega sira seluk iha kna’ar fatin ida-idak nian”. Otelio Ote, dehan.

Sorin seluk treinadora husi Abc International Development Fernanda Maria and Caroline Winter, relata katak, liuhusi formasaun story-telling ne’e rasik ita haree liu kona-ba oinsá ita bele hetan ideias sira ba ita nia istória, halo peskiza nomós identifika parte interesadu sira atu bele halo entervista, karik ema sira ne’ebé hetan impaktu husi ita nia istória ne’ebé mak ita halo, nune’e mós liuhusi istória ne’ebé ita hakerek bele hetan plataforma diferente ba televizaun, rádiu, online, jornal nomós sosial media.

Ita presiza hanoin kona-ba asuntu saida mak importante tebes ba ema hotu iha Timor-Leste, atu nune’e oinsá hanesan jornalista ita bo’ot sira bele hato’o fila fali istória ne’e diak liu tan ba públiku, husi notisia ne’ebé halo ita tenki hatene, tanba saida mak ida ne’e importante nomós ita haree ba informasaun detallu sira kona-ba oinsá ita bele kobre istória ne’e ho média diferente ka plataforma diferente, atu nune’e fokus ba oinsá ita bele halo entrevista ne’e diak iu”. Treinadora ABC International Development Fernanda Maria, informa.

Treinadora ABC International Development ne’e sente haksolok tebes no onradu bele servisu hamutuk ho Konsellu Imprensa Timor-Leste, hodi realiza formasaun ida ne’e ba jornalista sira durante loron rua, alende ne’e mós sira halo ona formasaun ne’e ba jornalista sira iha munisipiu Oe-kusse, Balibo nomós iha Dili ho formasaun ne’ebé hanesan, ba futuru sira sei halo formasaun barak liu tan kona-ba story-telling, média dijital nian, repotajen kle’an nomós repotajen investigativu. Fernanda Maria, hakotu.

Observasaun jornalista Lafaek News nota katak, formasaun ne’ebé realiza husi CI ho ABC International Development, durante loron ruan hetan partisipasaun husi jornalista sira mai husi media imprime, eletronik nomós online ne’ebé eziste iha Timor-Leste.

Jornalista : Crispin de J. Amaral

Editor         : Agapito de Deus

 

59 Views
Artikel ini telah dibaca 36 kali

Baca Lainnya

Estudante Bolseirus Lamenta Ho Polítika IX Governu Muda Bolsa Hakbit Ba Parsial

6 July 2024 - 09:08

ME Resposta Karta Husi Konsellu Nasional Professores  Kontratadu   

1 July 2024 - 10:49

Estudante Rihun 3 Lansa Protesta Hasoru Governu Muda Bolsa Hakbiit Ba Parsial     

26 June 2024 - 14:24

HA’U NIA HISTÓRIA MORIS MORUK NIAN HUSI TEMPU BA TEMPU

3 June 2024 - 16:09

ME Prepara  Simu Liurai Husi Brunei Darusalam  Vizita TL 20 Maiu

17 May 2024 - 00:11

SEKOMS Ho Embaixador Portugál Ensera Kursu Lian Portugés Nivel A1 Too B2  

6 May 2024 - 17:33

Trending di EDUKASAUN