Lafaeknews–Koordenadór Forsa Tarefa ba Prevensaun no Mitigasaun Surtu COVID-19, Rui Maria de Araújo, informa, husi  teste amostra ba abitante na’in 289 iha Bairu BTN 2 Tasi Tolu, suku Madohi, postu administrativu Dom Aleixo, munisipiu Dili, ekipa  saúde deteta pesoál na’in rua pozitivu COVID-19.

Tuir nia, husi 289 amostra ne’ebé  halo iha Bairu BTN 2 Tasi Tolu, ohin lokraik ekipa saúde deteta pesoál na’in rua pozitivu COVID-19 no husi sira na’in rua ne’ebé deteta pozitivu ne’e, hela viziñu ho pesoál ne’ebé pozitivu ida iha Baukau ne’e hela ba.

“Husi 289 amostra ne’ebé ita halo iha Bairu BTN 2 Tasi Tolu, ohin lokraik deteta pesoál na’in rua pozitivu COVID-19 no husi sira na’in rua ne’ebé deteta pozitivu ne’e, hela viziñu ho pozitivu ida iha Baucau nian, no oras ne’e ekipa saúde halo restreiu tan ba sira ne’ebé halo kontaktu fiziku ho pesoál na’in rua pozitIvu ne’e,”dehan Rui iha Sala Situasaun, SIJK, CCD, Dili, 07/03/2021

Husi pesoál pozitivu ne’ebé iha, agora dadauk serbisu  iha área administrasaun públika iha ministériu balun

Rui mós apela, hahú ohin SIJK Sala Situasaun hakarak apela ba populasaun tomak iha Dili laran atu labele paniku hakmatek no aban dadersaan karik la nesesidade atu la’o sai, di’ak liu labele halo lai movimentu sai no aban SIJK sei hato’o proposta konkreta ba konsellu ministru(KM) atu foti desizaun kona-ba medida ruma ba munisípiu Dili laran.

Jornalista         : Sandi Belo

Asisten Editor  : Egidio Nono