SOSIÁL · 7 Mar 2021 14:47 ·

Inocencio :“Ha’u Hakarak Kontinua Ba Universidade Maibé Laiha Ema Suporta”


Inocencio :“Ha’u Hakarak  Kontinua  Ba Universidade Maibé Laiha Ema Suporta” Perbesar

Lafaek News—Edukasaun nu’udar xave ba dezenvolvimentu nasionál, jerasaun foun iha papel importante atu kontribui ba prozesaun estadu iha future, maibé depende ba kondisaun ekonomia ne’ebé ho kbiit    natoon  konsege eskola to’o ramata no serbisu, balu ne’ebé ho kondisaun ekonomia la sufsiénte moris ho inan faluk  susar tebes atu kontinua estudu iha banku universidade maske ho mehi ne’ebé boot hakarak sai matenek.

Inocencio Guterres Viana.

Situasaun ne’e akontese ba, Inocencio Guterres Viana, ho tinan (26), husi  Munisípiu Baukau, postu Baguia, Suku Lavateri, rezidénsia atuál hela iha Postu adminitrativu Dom Aleixo, Suku Komoro, aldeia moris foun, ne’ebé oras ne’e ho kondisaun oan ki’ak no kbiit laek, nia  hakarak tebes kontinua nia estudu  hanesan nia maluk sira seluk  iha banku universidade, maibé ho kondisaun ekonomia ne’ebé la sufsiente, tanba inan aman laek, no  laiha ema ruma  suporta atu kontinua iha nivel estudu universitáriu.

   Inocencio hatete, nia papa mate iha tinan (2002) no nia mama iha tinan (2006) no totál sira iha uma laran  na’in neen (6) feto tolu(3)mane tolu (3) entre sira na’in neen (6)ne’e feto tolu(3) ho mane ida (1) mak forma  ona uma kain tanba ne’e mak difísil susar tebes atu suporta Inocencio hodi kontinua nia estuda iha nivél universidade

“Ha’u nia papa mate iha tinan (2002) no ha’u nia mama mate iha tinan (2006) entaun hela ami oan sira mesak de’it no, ami hamutuk  neen(6) feto tolu (3)no mane tolu sira na’in haat ne’e forma hotu ona familia,  no entre ami na’in hira ne’e ha’u nia bin na’in rua mak eskola maibé remata pre-sekundariu de’it seluk la eskola  no ha’u mesak mak remata sekundáriu, hakarak atu kontinua mas labele, tanba laiha ema ida atu suporta ha’u,”esplika Inocencio Guterres Viana,   ba jornalista lafaeknews ho triste iha Largo Lecidere  foin lalais ne’e.

Oan ba dalima ne’e dehan, nia  hakarak tebes atu kontinua estudu iha ensinu universidade, tanba nia mós hakarak sai mós jerasaun ne’ebé matenek hodi dezenvolve Timor-Leste iha futuru oin mai.

“Ha’u hakarak atu kontinua ha’u nia estudu iha universidade, tanba ha’u hakarak mós sai jerasaun foun ne’ebé matenek iha futuru oin mai hodi dezenvolve rai ida-ne’e,  maibé laiha ema ida mak atu suporta ha’u to’o iha ne’eba(universidade), no durante ne’e  ema ne’ebé mak  garante hodi suporta  mak, ha’u nia mama no papa maibé ohin loron sira na’in rua mate hotu ona entaun ha’u labele halo buat,”dehan  Inocencio.

Nia espika, Durante ne’e  hala’o nia estudu tinan neen, iha ESG Nobel Da Paz, no remata pre-sekundariu iha tinan  2015 no remata sekundáriu iha iha tinan( 2018) iha eskola Nobel da Paz no nia hakarak kontinua ba unverisdade maibé ekonomia la suporta no durante nia iha sekundária nia selu rasik eskola to’o ramata,

“Ha’u remata sekundáriu iha tinan (2018) iha eskola Nobel da Paz, no pre-sekundáriu ha’u remata iha tinan(2015) iha eskola Nobel da Paz, no momentu sei tur iha banku pre-sekundáriu eskola kada fulan selu osan $ 4.00 dolar, no mai iha sekundariu eskola kada fulan selu osan $5.00 dolar, ha’u mak selu rasik dader ha’u ba eskola lorkaik faan pulsa, osan sira ha’u rai hamutuk de’it selu ba eskola konsege husi  pre-sekundariu no  sekundáriu”,nia esplika

 

Jornalista       : Domingas   Viana

Asiten Editór : Egidio Nono

2,523 Views
Artikel ini telah dibaca 20 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL