Lafaek News—Ekipa konjunta kompostu husi Komisaun Anti Korupsaun (KAK) Ekipa Fiskalizasaun Konjunta, PNTL, KFP, MDF ,DJJPE no MTK ho DNTT hakarak aviza ba Responsavel Lojistika no Patrimonio iha Ministeriu, Instituisaun Estadu, Servisu Fundu Autonoma, Autoridade no Administrasaun Municipal hotu katak ekipa konjunta sei halo aprenaun ba viaturas estadu nian loron matebian
Pontu Vokál Komisaun Anti Korrupsaun (KAK), Euclides Vidal Madeira, informa ekipa konjunta sei kontrola viaturas estadu nian komesa loron 31 Outubru too loron 3 fulan Novembru 2022, hodi masimiza kontrolu ba utilizasaun viaturas Estadu iha loron matebian (finadu), sei autoriza de’it ba sira ne’ebé halo atividades ba fins provisionais ho karta autorizasaun husi superior.
“Baseia ba Decreto – Lei No. 21/2021 de novembro kria no subsidio mensal ba transporte, rezolusaun Governu numeru 130/2021 konaba jestaun no Re-alokasaun vékulus estadu no Padaraun Prosedimentu Operasional (PPO), konaba Re-alokasaun no utilizasaun Vékulus Estadu Pool iha Ministériu, Instituisaun Estadu, Servisu Fundu Autonoma no Pool Nasional ,”Katak Euclides Vidal Madeira ba jornalista sira iha Eskuadra PNTL, Kaikoli Dili, Kinta (27/10/2022).
Nia dehan, EFK halo koordenasaun ho PNTL (Diresaun Tránzitu Nasional no Munisipiu) hodi halo check point ba movimentu viaturas estadu nian iha nivél munisipio no postu administrativu hotu hodi identifika utilizador viaturas estadu ne’ebé la kumpri avizu ne’e hodi bele prosede ba prosesu sira.
Estajiada : Aldina Guterres/Adolfina Soares
Editór : Agapito de Deus
