Lafaek News—Edukasaun munisípiu Lautém kompostu husi diretóres eskola sira elabora ona mapamentu pesoal kada eskola atu relata ba edukasaun nasionál hodi prosesa ba rekrutamentu professor foun hamutuk ema na’in 975.
“Liga ba polítika Ministériu Edukasaun nian ne’ebé loke vagas ba profesores foun iha tinan ida ne’e vagas hamutuk maka 975, klaru atu prenxe vaga ne’e munisípiu ida-idak sei aprezenta sira ninia nesesidade real ba profesores ne’ebé iha, ne’ebé liga ho ida ne’e edukasaun Munisípiu Lautém elabora hela mapamentu pessoal hodi submete ba ministeriu atu kontinua nia prosesu rekruta ba profesores foun,”Responsavel Edukasaun Munisípiu Lautém, Manuel Oliveira,ba lafaek news ha nia kna’ar fatin segunda semana ne’e.
Responsavel ne’e esplika, profesores kontratadu sira ne’e parte ketak ida, ida agora vaga ne’e ba profesores foun sira tuir kada disiplina ne’ebé eskola persiza, mapamentu pessoal ne’ebé elabora ona eskola pre-eskolar sei persiza iha munisípiu ne’e hamutuk 57, Ensinu baziku persiza tan profesores hamutuk 171, ensinu sekundariu jerál persiza tan profesores 82, eskola Tékniku vokasional persiza professor hamutuk 35 tan ne’e munisípiu Lautém ho totál hamutuk professor hamutuk ema na’in 345 mak munisípiu ne’e persiza maibé defende ba vagas ne’ebé iha tanba rekrutamentu ne’e ba territóriu tomak no eskola sira hotu.
“Ho nesesidade professor ne’ebé edukasaun munisípiu hato’o ba nasionál ida ne’e ministeriu estuda ha’u, dala ida tan repete munisípiu ne’e nia nesesidade professor hamutuk 345 mak ita persiza see ministériu edukasaun mak konsege fo duni kompleta ba vagas ne’ebé ita persiza graças Deus ita nia problema ne’ebé durante eskola sira enfrenta menus profesores bele rezolvidu agora vaga ne’e loke ba públiku ou interna ne’e defende ba polítika ministériu nian,” nia relata.
Jornalista : CE.Lautem
Editora : Nelya Barros
