LafaekNews—Sabino Bernandin ho idade 65 ona, orijenalidade postu administrativu Lore, Munisípiu Lautém, suku Lore 1, sofre moras matan-mean too nafilak ba defisiénsia matan sente triste no laiha esperansa ba oan sira nia future.
“Ha’u nia matan ne’e bainhira ha’u sente moras ne’e iha tinan 2020 iha Istória kona-ba matan ne’e, foun-foun matan mean foer ne’e sai ikus mai haree rai la hetan,” dehan Sabino ba Lafaek News iha suku Lore 1 munisipiu Lautem, kinta (30/05/2024)
Bainhira sente tiha moras matan-mean ne’e, Sabino deside an ba kedan Hospital Nasional Guido Valadares hodi halo tratamentu, maibé doutor la konsege hala’o kurativu tanba, urat husi matan la funsiona, nune’e nia deside fila-fali ba nia horik fatin suku Lore 1.
“Iha tempo covid ha’u ba iha Dili matan hanesan ne’e on,a ba konsulta maibé dotor dehan nia urat la funsiona, too agora la haree total,”haktuir defisiénsia matan ne’e.
Sabin triste tebes tanba nu’udar aman la senti oan sira nia moris atu ba ne’ebé loos, tan ne’e hanoin ho matan-wen maibé atu halo saida ba oan sira atu moris.
“Bainhira ha’u tur mesak hanoin ba oan sira atu tanis de’it, ha’u atu halo tan saida, tanba ha’u labele haree ona,” nia espresa ho emosaun triste.
Relasiona defikuldade ne’ebé aman defisiénsia matan ne’e enfrenta, parte governu seidauk foti dadus ba defisiente matan no seidauk apoiu husi parte relevante sira husi nasional
Iha sorin seluk xefi aldeia Horolata suku Lore 1, Edmundo Fereira Sequeira hateten, defisiente matan Sabino, trata ona nia dokumentu ba parte saúde no parte médiku, no relata ona ba Ministériu Solidariedade Sosiál no Inkluzaun, hodi husu apoiu maibé ho razaun defisiente matan moras komplikadu MSSI seidauk hanoin hodi fo subsídiu ba defisiente matan ne’e.
“Relasiona ho defisiensia matan nia kondisaun ne’e, hau trata ona ninia dokumentu iha sentru saúde, depois husi parte saúde hatama ona defisiensia matan nia atestadu médiku ne’e ba iha MSS, maibé sira husi parte sosial haree katak, defisiensia ninia grau ne’e sala, tanba moras ida naran karatas ne’e la apár ho ninia matan, ne’ebé agora nia seidauk bele hetan subsídiu defisiensia nian,Xefe Aldeia Horolata Edmundo Fereira Siqueira ne’e relata.
Tanba ne’e, nu’udar autoridade sei esforsu hodi buka solusaun ba nia povu liu-liu defisiente matan Sabino ne’ebé durante ne’e laiha apoiu ruma husi parte governu.
“Ami buka dalan oinsá defisiensia matan ne’e bele hetan apoiu husi Governu parte relevante, Liu-liu Ministeriu solidadriedade sosial, tanba defisiensia sira balun hetan ona apoiu husi Governu,” nia hakotu lia.
Kobertura ba asuntu social ne’e realiza, tanba hetan apoiu husi Assosiasaun Jornalista Timor Loro sa’e (AJTL) servisu hamutuk ho OXFAM Timor Leste hodi hala’o ToR kobertura iha postu administrativu Lore 1 munisípiu Lautém.
Jornalista : Aniceto Dias
Editor : Agapito de Deus
