Lafaek News—Grupu Feto Poténsial Munisípiu Lautém ne’ebé halo knservasaun kuda batar sente triste ho atake peste lakataro estraga hotu batar fini ne’ebé kuda ona iha rai laran.
Jelia Fernandes nudar membru Grupo Konservasaun kuda batar haktuir komesa iha tinan 2012, iha grupu akumula membru hamutuk 13 no kuda batar ektares 4, konsege hetan rejultadu di’ak tanba udan mai tuir nia tempu nune’e batar koileta hamutuk bidon 10 ba leten, maibé peste mak estraga hotu batar nia tahan afeta tebes atu moris.
“Iha tinan 2024 ami kuda batar maibé ular lakataru mai estraga de’it tanba udan la mai kompara ho tinan uluk sira seluk wainhira udan mai tuir nia tempo ular lakataro mos mate, bainhira udan para fulan ida hanesan ular lakataro hahu moris no estraga ami nia batar tahan too mate no nia rejultadu laiha liu,” dehan Julia Fernandes ba jornalista media ToR iha suku Lore 1 munisípiu Lautém, sesta (31/2024),
Produsaun iha 2022-2023 laiha kuantidade boot tanba kauza mos husi mudansa klimátika, tanba mudan tau la tuir tempu.
“Ami nia grupu hahu moris iha 2012 ami nain 13 mak hamutuk hahu kuda batar iha tos hektares (4) haat nia rejultadu diak los no batar ne’e ami koileta to bidon 10 ba leten tanba udan mai tuir nia tempo ami mos sente kontente tanba ami nia kolen nia rejultadu neebe diak tebes mai ami, ami sempre kuda batar kada tinan tuir udan nia tempo mai 2022 ate 2023 batar ami kuda nia rejultadu ladiak tanba kauza hosi mudansa Klimátika udan monu rai la tuir nia tempo ona tanba kada tinan ami nia udan monu rai iha fulan Novembru nia laran maibé udan mai iha fulan marsu no maio ami sente udan la tuir ona nia tempo ho nune’e batar nia rejultadu ladiak ona hanesan tinan kotuk sira liu ba,” Jelia afirma.
Relasiona ho difikuldade ne’ebé grupu enfrenta, Jelia Fernandes hatoo ba autoridade lokál hodi husu NGO FÁO atu fasilita esperiénsia ne’ebé tau ai tahan maran, dut maran sira ne’ebé hanesan pupuk hodi tau ba to’os laran nune’e bele fasilita bainhira udan la monu rai maibé rai bokon nafatin nune’e bele hahú kuda batar hodi fasilita netik ba moris lor-loron nian.
“NGO FÀO mai hanorin ami ba hili ou raut ai tahan maran ne’ebé monu iha ailaran nomos dut maran sira hodi nahe iha ami nia tos tomak mak ami hein wainhira udan monu rai mak ami hahu kuda batar to udan la monu rai mos dalaruma batar bele moris tanba nia hun sei bokon hela mak udan mai sei fo netik nia rejultadu ituan no ami iha ne’e wainhira laloran boot no anin boot iha fulan Abril Maio nee mos aihoris sira nia tahan namlaek hotu tanba anin tasi meer liu.”
Iha sorin seluk Autoridade Lokal Suku Lore 1, Abilio Amaral afirma, Feto potensial ne’ebé iha inisiativa kria Grupo kuda batar, hanesan autoridade lokál hato’o ba Ministeriu Agrikultura hodi fo apoiu ai-moruk ular nian, maibé MAP la prepara ai-moruk sira ne’e hodi apoiu ba komunidade, entaun iha tinan kotuk husi organizasaun Non govermental FÁO mak halo promosaun oinsá bele hamate ular lakataro ne’e.
“Ita hatoo ona ba ministeriu agrikultura hodi husu apoiu kona-ba aimoruk lakataro ninin, maibé realidade iha ministeriu la prepara aimoruk sira ne’e, Ne’ebé iha tinan kotuk husi NGO FAO Mai halo promosaun, liu-liu atu halo aimoruk hodi hamate ular lakataro husi produtu lokak sira hanesan tobu hodi rega ba lakataro sira ne’ebé fo afeita ba iha ita nia komunidade nia batar sira, maibé material sira ne’e mak ita buka susar tebes ne’ebé Sira para produsaun aimoruk uja produtu lokak ate agora,”Abilio Amaral sublina.
Autoridade lokal ne’e mos husu grupu agrikultor sira, maske Mudansa Klimátika ne’ebé fo impaktu ba produsaun kuda batar, maibé nafatin servisu hodi nune’e bele hetan aihan ne’ebé bele sustenta iha Uma laran ninian.
“Konsistente nafatin hodi bele produs produtu lokal ne’ebe mak iha, tanba dadaun ita iha produtu hirak ne’ebe mak importa husi Rai liur mai, ho ninia folin ne’ebe Aas , entaun ita iha obrigasaun atu halo serbisu, hodi nune’e bele hetan produtu diak atu bele sustenta familia uma laran.” Tenik Autoridade Lokal Suku Lore 1
Iha Postu Lore Suku 2 suku Lore I no Lore II, iha aldeia 6 kompostu aldeia TChay, Titilari, Maluro, Otcho-Tchau no Horolata populasaun maioria ho moris depende agrikultura.
Lore 1 nia area luan 133,77 Km kuadradu, Lore 2 nia area luan kuaze 22 Km kuadradu hanesan ne’e, Postu lore fronteira ho postu Iliomar nomos postu Lospalos Muapitine, bá fali fronteira Lospalos ninian ne’e to’o iha Santa Krus Natura nian ne’e área Lore nian hotu mais komu ho prezensa nasaun viziñu Indonézia entaun mai iha ukun aan ema seluk mak okupa mais tuir lolos ne’e to’o iha Naturá Santa Kruz neeba.
Media Tour ne’e organiza husi Assosiasaun Jornalista Timor-Leste (AJTL) serbisu hamutuk ho Oxfam iha Timor-Leste, ne’ebé halo finansiamentu ba programa refere ho dolar 80 mil hodi mobiliza Jornalista husi instituisaun Midia, Online, Elektronik no Imprime hamutuk 17 hodi halo kobertura espesifiku ba Suku Loré 1,
Jornalista : Aniceto Dias
Editor : Agapito de Deus
