Lafaek News–Koordenadór Eskola Bázika Filial (EBF) Fomento, Antonio P. Ximenes informa edefisiu eskola ne’e sala hamutuk 6 de’it la sufisiente atu akumula estudantes 861 husi primeiru ano too seis ano.
EBF Fomento ne’e iha de’it professores permanente nain 14 ho professores kontratadu nain-3, profesores nain hitu ne’e hamutuk ho permanente nain tolu hodi hanorin estudante hamutuk 861 kompostu husi mane 441, feto 391.
Ita labele tau estudante iha turnu ida de’it ka rua de’it ou dader-lokraik ida ne’e la akontese, ami halo jestaun katak lor-loron estudante fahe ba turnu tolu (3) primeiru turnu, segundu turnu no terseiru turnu, primeiru turnu mak hahu husi oras 07:40 depois 08:00 nakonu iha sala laran nia to’o 10:50 depois merenda sira sai tiha,10:50 selseluk forma tama fila fali to’o 01:50 sala ne’en (6) nakonu,01:50 segundu turnu kontinua kedas terseiru turnu to’o 01:50 to’o 05:40 nia ba segundu siklu,’’katak Antonio ba lafaek news iha nia kna’ar fatin EBF Fomento foin lalais.
Hatutan nia, primeiru turnu ho sgundu turnu fahe ba primeiru mak Klasse 1,2,3 no 4, terseiru mak klase 5 ho 6 iha parte lokraik, fahe ba primeiru turnu ho segundu turnu másimu aprende oras tolu, tuir loloos ne’e oras lima tuir kurikulu loron 1 estudante aprende oras lima, maibé fasilidade sala aula ladún sufisiente, tanba primeiru turnu estudantes barak liu.
Ami nia mestre sira iha ne’e ita bele dehan se kuandu ita haree loloos estatutu ba professores la sufisiente, ita boot haree katak estudante hamutuk 861 hamutuk ho mestre kontratadu ema 17 de’it inklui ho ha’u, depois permanente hamutuk 14 kontratadu na’in 3 entaun total 17 pessoas, mestri kontratadu hahu iha 2016 to’o agora seidauk permanete depois voluntariu na’in hitu mak iha EBF, seidauk kontratadu balun husi UNTL voluntáriu komesa iha 2016, to’o agora 2022 seidauk permanente, husi formasaun profesores hotu iha ne’e,’’ nia hakotu
Observasaun lafaek news nota, sala aprendijazen primeiru ano akumula estudantes hamutuk 54, aula segundu ano akumula estudantes 56, aula terseira ano akumula estudantes hamutuk 50, sala kuatru ano nian estudantes 53, kintu ano akumula estudantes hamutuk 60, no sestu ano akumula alunus hamutuk 58, no iha kada aulas alunus sira laiha konsentrasaun másimu iha oras aprendizajen tanba labarik sira barullu demais.
Jornalista: Osias Eco
Editór : Agapito de Deus
