Lafaek News–Komisaun Organizador loron Nasional Komisaun Funsáun Públiku (KFP) tinan 2022, responsabiliza  husi Ministéreiu Administrasaun Estatal (MAE) realiza atividade vizita Situs istoríku atu eleva konesimentu funsionáriu Públiku kona-ba relatóriu husi Sentru Nasional Chega.

Sekretariu Administrasaun Estatal (SAE-MAE), Elizio Angelo da Costa Soares, hatoo asuntu ne’e iha ámbitu komemorasaun loron funsaun pũblika iha CNC eis komarka antigu Balide, sesta (24/06/2022), hodi dehan  nu’udar prezidente komisaun organizador  ba loron nasional KFP objetivu atu vizita sítiu istóriku hotu ne’ebe lokaliza iha Dili laran ho nia intensaun atu hatene diakistória ba luta prosesu  ukun rasik an .

Atividade deziminasaun relatóriu chega no mos atu vizita sítiu istóriku sira iha iha Dili laran ne’e nu’udar atividade husi sanulu resin tolu ne’ebé komisaun organizadora ba loron nasional KFP iha tinan ida ne’e responsabilidade husi MAE, organiza atu halo atividade ida ne’e nia fokus ba funsionariu públiku sira iha liña ministériu hotu  atividade ne’e mós fahe ba faze da-ualu ida ne’e hanesan faze daruak, no  faze primeriu mak foin loron rua ita halo, maibé sei iha faze dala ne’en ne’eb’e tuir mai,’’katak Angelo da Costa Soares.

Nia argumenta,  atividade ne’e kada faze iha nia proposta ba funsionariu sira 50 hodi partisipa iha eventu refere, miabé funsionáriu balu la marka prezensa ho razaun iha prekupasaun balu ne’ebé la permite ba sira atu partisipa. 

Kada faze 50 pessoas, dala-ruma funsionáriu balu preukupadu balu mai balu la mai dala ruma mai barak liu la tuir proposta ne’ebé ita haruka, tanba ida ne’e situasaun ita tenke  kompriende, maibé intensaun husi deziminasaun ne’e importante tebes atu ita nia funsionáriu sira bele kompriende, liliu ita nia ba foin-sae  sira ne’e foin bo’ot iha era ukun-an ne’e bele hatene ita nia luta prosesu ba ukun rasik an ita nia maun sira ita nia aman sira ita nia avo sira hetan ukun –an ne’e liu husi prosesu ida ne’ebé todan,’’katak Angelo.

Angelo rekomenda ba foin sa’e Timor-oan sira hotu atu buka hatene istória prosesu libertasaun nasional Timor Leste, se mak la hatene istória sei labele domina nasaun, más bainhira buka hatene istoria sei domina liutan nasaun.ita hotu hatene bainhira ita akompaña filmajen sira ne’e ita nia aman ita nia maun ita nia avo sira ne’ebé mak uluk involve direita iha prosesu luta ne’e balu tanis balu ran sofrementu oi-oi oin ne’ebe sira hasoru . ita nu’udar humanu ita nia sentimentu ne’e hanesan ne’e sai ida deit mak ita goja ohin loron ne’e mai husi esforsu sira nia tamba ne’e dala ida tan  ita tenke kuda iha ita ema idak-idak nia joven idak –idak ninia fuan rai ne’e ukun –an ne’e mai husi prosesu naruk ida, ita iha istória ita mos iha  pasadu mak ita iha prezente, maibé tenke konsentra ba prezente oinsa bele hanoin ba futuru, labele igonora pasadu, tenke tane as pasadu prezente no futuru oinsá ita bele kontribui ba iha prosesu dezenvolvimentu  país ida ne’e nian,’’nia hakotu.

Estajiadu : Julião Pacheco

Editor      : Agapito de Deus