Lafaek News–Universidade Nasionál Timor-Lorosa’e, sesta (24/06/2022)  hala’o konferénsia internasional ho parseiru Brazil  hodi toka asuntu kona-ba projetu rua kursu mestradu no apoiu formasaun lian Portuges ne’ebé atu implementa iha universidade ne’e.

Ohin loron importante tanba UNTL liuhusi Centru Chega hala’o konferénsia internasional entre UNTL ho parseiru husi Brasil no Brazil iha interese boot tebes hodi apoiu Timor-Leste liuliu UNTL, tanba kooperasaun ne’e la’o kleur tebes, entaun projetu rua ne’ebé atu halo iha UNTL mak primeiru atu estabelese kursu Mestaradu iha área edukasaun, segundu mak apoiu Formasaun ba lingua portugés” dehan Reitór Joáo Soares Martins ba Jornalista hafoin remata konferensia internasional Kinta, Juñu 23, iha Kampus Liceu

Entretantu Projetu Mestradu ne’e sei foka  liu iha área edukasaun kona-ba Matemátika no Linguájen, projetu ne’e la’o ona no hein nia implementasaun bainhira hetan aprovasaun husi Minésteriu Ensinu Superior e Siénsia kultura, kona ba kursu Masteradu iha área edukasaun no professór husi Brazil sira mak diretamente sei mai halo selesaun ba kadidatus na’in sanulu (10) hodi bele ba hasai Masteradu iha área edukasaun,’’ katak reitor UNTL ne’e.

Aleinde, kona-ba projetu rua ne’e iha posibilidade Brazil mós sei fó mós vaga ba Timor-oan hodi bele ba hasai kursu lisensiatura, Masteradu inklui doutoramento ho livre propinas, 

Tán  ne’e bainhira estudante ba ita apoiu mak sira nia kustus vida no osan transporte,’’Martins hakotu.

Estajiaria Zita Menezes

Editor       : Agapito de Deus