Lafaek News–Finalista husi Universidade Oriental Timor Loro sa’e (UNITAL), Fakuldade Edukasaun Departamentu Sosiolójia, Mariano Soares hateten xave atu moris iha planeta ida ne’e ba dahuluk fiar maromak segundu edukasaun hafoin hanoin osan ho material.
Mariano hala’o atividade negosiu kiik ne’e ninia fatin la permanente, dala ruma fan iha areador UNITAL inklui iha uma, no fan dezde 2020 bainhira nia sei iha semester V too livre teoria iha fakuldade edukasaun departamentu sosiolójia UNITAL, nune’e osan ne’ebé manan husi sigaru responde mos ezijensia nesesidade inan-aman iha foho inklui bele ajuda alin sira ninia eskola.
Mariano Soares haktuir, razaun nia deside fan sigaru tanba haree kondisaun moris inan-aman iha foho la sufisiente, inan-aman ninia moris depende liu ba agrikultura, maibé la’os lori sigaru de’it mak sustenta ninia eskola too remata dala ruma mos apoiu inan-aman iha inisiu hahu estudu too remata.
Iha universidade UNITAL selu propinas kada semestre ho montante osan $95.00 maibé, diferente ho nia alin ne’ebé foti estudu iha saúde ne’ebe selu karun, tanba ne’e nia foti desizaun faan sigaru oinsa bele ajuda fali inan-aman.
Ha’u mai eskola iha UNITAL ne’e inan-aman mak sustenta ha’u nia estudu, too ohin loron ha’u nia eskola mos remata ka livre teoria ona, ha’u sente alin sira mos eskola iha fatin balu ha’u sente triste bainhira livre teoria ona mak la halo buat ida, entaun kontinua fan sigaru atu sustenta fali alin sira nia eskola, fo netik sentavus 0.25, selu transporte públiku no print servisu individu (tugas) karik sira bele uza, bainhira ita husu hotu inan-aman hotu entaun ha’u sente triste, tanba ha’u eskola hotu ona mak sei tane liman bei-beik ba inan-aman, ha’u sente la diak,’’haktuir Mariano.
Sigaru hirak ne’ebé Mariano fan mak hanesan marlboro ho LA, sosa pakote tomak ida husi loza ho presu $.18.00 bainhira folin sa’e bele ba iha $19.00, sigaru LA pakote ida ho nia folin $14.00 no folin sae liu mak $15.00.hirak ne’e hotu fan hikas iha areadores ne’ebé relevante kada selop bele hetan fali nia funan $2.00, sorte di’ak too $3.00.
Mariano dehan, maneira negosiu iha dalan publiku ne’e ninia xave importante mak labele mo’e, labele baruk, rai mo’e ne’e ho baruk iha nia fatin, so’e ho baruk osan mos mo’e no baruk atu halai ba ema nia bolsu, se badinas buka osan sei mai tuir mehi.
Mariano Soares hanesan oan primeiru husi alin nain rua ne’e husi munisipiu Vikeke postu admistrativu Uatulari suku Makadiki aldeia Ossulari no inan-aman nia profisaun mak hanesan ema agrikultor.
Ha’u nudar oan mane dahuluk iha uma laran, ha’u iha responsabilidade atu tau matan ba alin sira ne’ebé tuir ha’u no iha responsabilidade atu ajuda inan-aman, tanab ha’u nia inan-aman nia servisus nu’udar ema agrikultura no sira garantia iha ne’eba katak bainhira ha’u finaliza,’’dehan Mariano.
Lia-fuan hikas husi estudante finalista UNITAL ne’e, katak joven sira labele hanoi tane liman de’it ba inan-aman, tenke putar kakutak oinsa bele buka osan liu husi atividade seluk, buk osan sei hetan, tuur de’it osan sei la ba ema.
Mensajen ba maluk Timor oan sira nu’udar ema joven ita livre ona husi ita nia estudu labele garantia de’it ba ita nia inan aman maibe hatur ita nia an no motiva ita nia an sai ema ne’ebé mak responsabilidade hodi nu’ne bele fo vantazen ba ita nia familia no ba ema seluk,’’
Estajiadu : Juliao Paicheco
Editór : Agapito de Deus
