Lafaek News—Komunidade afeta Fomentu II, Sebastão Ena Tilo, triste ho asaun govenu liu husi SEATOU dudu sees komunidade ho karater obrigatóriu no la respeita dignidade povu ne’ebé nain ba estadu.
Asuntu ne’e hatoo husi komunidade afetadu Fomentu II, Sebastião Ena Tilo ba jornalista iha konferénsia imprensa iha edefiiu Rede Ba Rai, Farol Dili Kuarta (08/01/2025), konsidera katak evikasaun uma kain 288 iha Fomentu II ne’e hanesan animal ho lixu.
“Ami senti triste tebes SEATOU nia atitude ida hanesan ema bandidu sei di’ak konsidera ami povu hanesan animal mós sei di’ak animal ita Kuandu hakarak hakiak, Asaun IX Governu nian ne’ebé liu husi Sekretáriu Estadu Assunto Toponimia no Organizasaun Urbana, ita sei kuidadu fatin lixu de’it nia kuidadu sai hanesan ema, maibé ema nia konsidera fali hanesan fatin lixu,” Sebastião hatoo iha koneferénsia imprensa kuarta ohin.
Abitante afetadu ne’e katak, iha nasaun ne’ebé de’it tenke iha dezenvolvimentu hodi hadia povu nia moris, Dili tenki sai sidade hanesan nasaun sira seluk maibé muda povu husi fatin ida ba fatin seluk tenki ho dignu tanba husi povu mak iha estadu ho governu.
Iha sorin seluk Raimundo Monteiro argumenta, iha governu mak iha povu, iha estadu mak iha povu, iha nasaun iha povu, tanba luta durante 24 Anos iha ai-laran, tanba povu no rai ida ne no ikus liberta nasaun, ukun nain sira nia lia-fuan katak atu liberta tan povu husi kiak no mukit, no husi beik ba matenek, maibe ikus harahun povu halo triste povu tanis, ne’e mak atu liberta povu?
“Luta 24 Anos iha ailaran tanba povu la’ós tanba rai se tan rai ne’e maun bot sira subar iha ailaran sama ona ba rai toba ona ba rai tur ona ba rai tanba povu ida ne’e no akonpanha mós rai ida ne’e sira luta 24 Anos iha ailaran no fin liverta tia nasaun ida ne’e no liafuan sira nian atu liverta tan povu husi kiak no mukit husi beik ba matenek afinál harahun povu halo triste povu halo deskontenti ba povu,” dehan nia.
Maske, governu iha direitu atu hasai komunidade sira iha situasaun balu de’it, maibé tenki iha implementasaun prosesu atu hasai komunidade sira ho kuidadu tebes tuir lei nasionál no internasionál ne’ebé vigór ona iha Timor Leste, liu-liu lei nasionál sira ne’ebé regula Despeju mak Konstitusaun RDTL Lei numero 13/ 2017 Rejime espesial definisau.
Titularidade nain ba rai no lei numero 8/2017 lei expropriasaun ba utilidade públika no Dekretu lei numero 6/2011 kona ba kompensasaun Despeju husi rai estadu no lei numero 1/2003 rejime jurídiku, Governu bele hasai obrigatóriu ema sira ne’ebé okupa ilegal diminiu privadu no diminiu públiku estadu nian maibé atu halo ida ne’e tenki iha desizaun legal katak rai ne’e pertense duni ba estadu no estadu tenki tuir prosesu ne’ebé hakerek ona iha lei númeru 13/2017
Entretantu komunidade ne’ebé mak hetan eviksaun iha loron 03 Janeiru fulan ne’e totál uma kain 288
Jornalista : Felix Fernandes/Maria Jose
Editor : Agapito de Deus
