Lafaek News—Oitavu governu konstituisinal liu husi reuniaun konsellu ministru deside implementa serka sanitáriu iha munisípiu Lautem, Likisa, Manufahi no Dili kontinua implementa konfinamentu obrigatoriu atu kuida saúde públiku.

“Konsellu ministru aprova serka sanitáriu fóun ba Miunisípiu tolu hanesan Munisípiu Lautem, Likisa, Manufahi sei hahú ohin kalan oras 00:00 to’o dia 16 fulan maiu, katak movimentu atu tama sai munisípiu hirak ne’e no restinje wainhira hetan autorizasaun husi SIJK,” dehan Ministru Presidensia Konsellu Ministru (MPKM) Fidelis Manuel Leite Magalhaes ba jornalista iha Palasio Governu, kinta, (29/04/2021).

Governante ne’e mós infórma, iha munisípiu Dili governu aprova rezolusaun konfinamentu obrigatoriu sei tama iha vigor oras 00:00 ohin to’o loron 13 fulan maiu 2021, formas jeral konfinamentu ida ne’e so ba iha nesesidade bazika no asesu ba polisia, tribunais ba fó apoiu ba ema hirak ne’ebe presija apoiu umanitaria sira hirak ne’emaka premitidu.

Entertantu antes ne’e munisípiu hirak ne’ebe implemnta ona serka sanitária maka Dili, Baucau no Ermera, Vikeke, Covalima, Ainaro wainhira atual ne’e remata iha dia 3 fulan maiu to’o 16 fulan maiu 2021.

Jornalista         : Rita Monis

Asisten Editór  : Pedro de Almeida