Lafaek News-Impaktu hosi Inundasaun máka konsorsiu Programa Parseira Humanitária Austrália (AHP-sigla Inglesh), distribui sasan baziku ba Organizasaun East Timor Blind Union (ETBU).
Relasiona ho inundasaun ne’ebe akontese iha loron 4 Abril no fo afeta boot ba komunidade sira lakon uma, sasan no vida hamosu preokupasaun boot, liu-liu ba maluk vulneravel sira hanesan ema ho difisiensia sira, tanba sira nia moris mak hasoru risku boot liu iha akontese dezastre natural.
Ho nune’e. AHP liu hosi projetu Desastre Prontu ka READY, iha loron 28 Abril distribui sasan sira ne’ebe sai nudar nesesidade baziku, atu nune’e maluk difisiensia sira ne’ebe parte hosi ETBU bele utiliza ba sira nia nesesidade lor-loron nian.
Country Director Oxfam iha Timor-Leste, Faustino Belo hateten maske ema barak sofre inundasaun foin lalais ne’e, vulnerabilidade no kapasidade atu rekupera husi desastre depende mós ba kondisoens sosio -ekonómika epoderamentu social, no asesu ba rekursu sira ba mitigasaun no rekuperasaun.
“Ema ho defisiensia dala barak ladun asesu ba rekursus hirak ne’e iha tempu disastre, emerjensia, no kónflitu tamba difisil ba sira atu hetan asesu ba sentru evakuasaun sira, ladun benefísia husi ajudu urjente sira inklui distribuisaun aihan, no nesesidade báziku sira seluk. Nune’e mós, wainhira ema ho difisiensa labele asesu ba sentru evakuasaun sira, dala barak sira la inklui iha avaliasaun no dadus sira kona-ba rekuperasaun. Ida ne’e aumeta tan sira nia vulnerablidade. Oxfam no membru AHP sira hanoin importante atu garante katak ita nia membru komunidade sira ne’ebe defisiente mós hetan tulun iha asaun responde ba disastre no sira nia lian hetan konsiderasaun iha planu no dezisaun sir aba rekuperasaun”,dehan Country Director, Kaurta (28/04).
Inklusaun hanesan parte integral ba Oxfam nia servisu hotu-hotu inklui responde ba desastre ne’ebe inklusivu atu garante katak ita labele husik ita nia maluk sira ho defisiensia iha kotuk. Iha kontekstu inundasaun foin lalais ne’e, Oxfam servísu hamutuk ho ninia organizasaun parseiru hanesan Raes Hadomi Timor Oan (RHTO) no Asosiasaun Defisiensia Timor-Leste hahu kedas iha prosesu rekolla dadus ba vitima inundasaun to fornesementu asistensia atu garante katak asaun responde hotu-hotu mós hare ba nesesidade maluk defisiente sira.
Iha fulan hirak mai, Oxfam sei kontinua halo servísu ba rekupersaun no se kontinua fó konsiderasaun ne’ebe boot ba inklusaun liu-liu komunidade maiz vulneravel sira inklui ema ho defisiensia.
Sasan sira ne’ebe AHP distribui ba ETBU mak hanesan Manta, kulusaun, sasan dapur nian, haha instant no sasan ba haris nian.
Organizasaun East Timor Blind Union (ETBU) Hanesan Organizasaun Naun- Govemamental Ida Ne’ebe Mak Hart’i/Funda Kompostu Husi Ema Ho Defisiensia Matan Nain Ha’at(4) Wainhira Ba Tuir Komferensia Ida Iha Singapura Kona-ba Word Blind Union(WBU).
Depois Fila Husi Singapura Tanba Hetan Inspirasaun Maka’as Husi Maluk Estranjeiru Sira Hodi Ikus Mai lha Loron 04 Fulan Janeiro Tinan 2004 Sira Nain Ha’at(4) Konsege Hari’I no Funda Organizasaun Ida Ne’e Bazeia Ba Rekomendasaun Ne’ebe Mai Husi Maluk Estranjeiru Sira Hodi Hatan Ba Prekupasaun Ema leo Defisiensia Matan lha Territoriu Timor-Leste Nian.
Objetivu Husi Ezistensia Organizssaun Ida Ne’e Nian Mata Oinsa Atu Hasa’I Ema Ho Defisiensia Liu-Liu Defisiensia Matan Husi Diskriminasaun, Analfabetizasaun No Maijinalizasaun No Luta Ba Direitu Ema Ho Dcfisiensia Matan Nian Iha Timor-Leste.
Projetu Desastre Prontu ka READY nudar komponente hosi programa AHP ne’ebe finansia hosi governu Australia no implementa hosi konsorsiu AHP nian hanesan Care Internatioal, Caritas Australia, Oxfam, Plan, World Vision no Ra’es Hadomi Timor Oan (RHTO) no parseiru lokal sira seluk
Projetu Disaster READY nudar projetu ne’ebe hahu hosi tinan 2018-2022 no serbisu hamutuk iha SEPS nia okos no halo koordenasaun besik ho Diresaun Nasional Jestaun Risku ba Dezastre, halo aprosimasaun ne’ebe inkluzivu no sustentavel ba preparasaun hasoru no responde dezastre hosi komunidade to nivel nasional. (OXFAM)
