Lafaek News–Komunidade aldeia Lesuhata, suku Fatukmakerek, postu administrativu Laklubar, munisípiu Manatutu, lori kuda lalin material konstrusaun uma kbiit husi estrada ba Lesuhata kuaze kilumetru 2.
Xefe aldeia Lesuhata, suku Fatumakerek, postu-administrativu Laklubar munisipiu Manatuto, Rafael Soares informa, komunidade sira lalin material konstrusaun uma kbiit laek (UKL) ho kuda tanba dezenvolvimentu rural hakdasak difikulta movimentu transporte ho ema la’o ain, estrada rural diresaun aldeia Lesuhata ba postu-Laklubar hahu husi tempu okupasaun Indonésia to’o ohin loron, laiha governu ida mak hanoin hetan hodi hadia estrada refere. Tamba ne’e mak autoridade kordena hamutuk ho komunidade hodi lalin material konstrusaun refere ho kuda kuaze kilo 2 resin.
“Ha’u ho komunidade sira halo lina kordenasaun hodi lalin sasan konstrusaun sira ne’ebé mak mai husi dili, no kualker sasan saída de’it ami lori kuda mak lalin no ema mós lori durante loron ha’at nia latan, tanba estrada kareta ho motor labele liu. Iha tinan 2021 loron 14 abril inundasaun estraga estrada aat hotu. Ami hansan autoridade lokal hato’o bebeik ona ba iha governu maibé laiha resposta, to’o ita nia primeiru ministru agora maun taur uluk seudauk prezidente repúblika mai to’o iha ne’e ho kareta to’o iha dalan klaran lao mai to’o iha aldeia ne’e kuaze kilo 2 resin, no nia avó nana mós mai to’o iha ne’e mós hanesan lao kilo 2 resin mak foin iha aldeia ne’e, ho oportunidade ida ne’e ami hato’o hela problema ne’ebé mak sira mai hare’e hela ho matan ne’e, maibé laiha resposta di’ak husi governu relevante ba ami nia problema ne’e”, dehan rafael via telefoni ba jornalista lafaek news, kuarta(21/09/2022).
Autoridade lokal ne’e hatutan, komunidade aldeia Lesuhata total hamutuk 86 uma-kain tempo naruk , no komunidade hotu iha suku Fatumakerek, postu-administrativu Laklubar la asesu ba estrada no eletrisidade durante tinan naruk nia latan.
Hodi dehan, hanesan autoridade lokal liman ain komunidade aldeia Lesuhata toba la dukur, hakarak rekomenda ba iha oitavu governu bele loke estrada aldeia ida ne e Lesuhata atu fasilita komunidade sira bele asesu.
“Husu governu hadia ami nia estrada ligasaun aldeia ba postu no munisipiu, tamba ami rona informasaun ba munisipiu Manatuto la’os ba munisipiu Manufahi, ho haraik-a’an husu ba oitavu governu labele haluha Ami,tau netik matan mai ami aldeia tolu iha suku Fatumakerek postu-administrativu Laklubar munisipiu Manatuto”, Nia rekomenda
Jornalista Felipe Soares
Editor : Agapito de Deus
