Lafaek News—Xefe Estadu Maior Jeneral F-FDTL, Major Jeneral, Lere Anan Timur, espresa atu hadia di’ak liután forsas armadas ba dahuluk tenke kapasita membru soldadu militár sira hodi dezenvolve ba oin.
“Hanesan baibain ha’u ko’alia bebeik ona atu dezenvolve forsas armadas nian presiza kondisaun, primeiru kondisaun rekursu umanu ita tenki kapasita rekursu umanu liu-liu soldadu militar ninian,” dehan Lere Anan Timur ba jornalista sira iha palasiu prezidensial bairru-Pite kuarta ne’e.
Hodi fundamenta, rekursus umanu ne’e la’os di’ak liu maibé, bainhira rekursu umanu kapasita ona presiza meius, materiais infraestrutura no transporte sira ne’e hotu.
“ Ha’u nu’udar sira nia komadante iha dezenvolvimentu ho avansu di’ak kona-ba rekursu kapasitasaun ofisiais sira ninian tanba sira ba tuir informasaun iha rai-liur no iha timor sira hotu-hotu liu husi iha ne’ebá,” haktuir Xefe Estadu Maior Jeneral F-FDTL ne’e.
Rekursu umanu ne’e kestaun planeamentu ne’ebé iha, ezemplu iha tinan oin presiza ofisiais na’in hira, presiza koordena tanba obstakulu ka defikuldade ne’ebé sei mellora dala ruma fatin laiha balun ba tuur de’it.
“Rekursu umanu ne’e kestaun planeamentu ne’ebé rekursu umanu iha, ezemplu tinan oin ne’e presiza ofisiais na’in hira ida ne’e maka sai obstakulu ka difikuldade ne’ebé sei mellora se lae aban bainrua ita barak liu dala ruma fatin la iha ona balun tuur de’it ida ne’e la iha problema,”Lere Anan Timur hakotu.
Jornalista : Sonia de Almeida
Editora : Nelya Barros
