Lafaek News-(Baukau)–Diretora Apoia Governamentais Organizasaun Comunitaria, Maria Evalina de Fatima Guterres informa, tinan 2021 Diresaun Apoio Administrasaun Suku (DAAS) naisonal apoiu fixa familia hamutuk 22,361 foillas ba munisípiu Baukau.
Fixa familia iha tinan-2021 nia laran ami simu ona fixa familia husi diresaun Apoio Adiministração Suku (DAAS), nasional ninian hamutuk 22,361 foillas ba suku 59 iha munisipal, maibé nia prosesu atu fahe fixa familia tuir lolos ami fahe kada suku ida-idak ,” katak Maria iha kna’ar fatin Tirolo, kinta feira (10/2/22)
Maibé, atu simu fixa familia,liu husi prosesu ida no tenki halo proposta ba postu atu enkamina karta ida ba presidente autoridade municipal, atu nune’e bele derize ba prezidente autoridade hodi despaxu ba iha (DAAS), mak hafoin distribuisaun bazeia ba pedidu.
Hatutan nia, da-daun ne’e suku balun proposta hatoo ona, maibé seidauk bele fahe fixa familia foun ne’e ba sira, tanba razaun bazeia ba pedidu ne’ebé mak suku hatoo ba posto enkamina ba presidente autoridade munisípiu mak prezidente autoridade kontinua halo despaxu mak foin halo distribuisaun bazeia ba suku nia pedidu.
Tanba ne’e, xefe suku sira tenke halo identifikasaun ba familia foun no familia anterior, atu bele hatene familia hirak mak seidauk iha fixa familia.
Fixa familia nia funsaun primeiru atu identifika ita kada uma kain ida-idak atu bele hatene katak ita iha populasaun husi aldeia hira maka iha ona fixa familia”, nia esplika
Tuir dadus monografia munisipal, minusípiu Baukau iha postu adminisitrativu neen, iha nia suku 59 ho aldeia 281, total populasaun jerál hamutuk 159,083 ho nia xefe familia hamutuk 35,388.
Jornalista : Joazinho Bosco
Editor : Agapito de Deus
