Lafaek news–Prezidente Interenu Konsellu Imprensa (KI), Expedito Dias Informa Jornalista hetan karta profesional husi KI, Sira muda ona profisaun, kartaun profesional ne’e sei la vale.
Prezidente Interenu, Expedito Dias hatoo asuntu ne’e hafoin lansa planu estratéjiku servisu konsellu Imprensa (KI) nian ba Periodu 2022 too 2026, iha KI, Kinta 10/02/2022
Jornalista hetan karta profesional husi KI, Sira muda ona profisaun,sira labele uza kartaun nee bainhira entervista ho ema ruma, see sira hasai kartaun ne’e automatika la vale, tanba iha ne’e ami rejista sira ne’ebé tama 73 ne’e dadus iha atu hatete ba sira, iha tempu ami sei publika offisial” hateten nia
Expedito informa konsellu imprensa (KI) prosesu atu hetan karta profesional nee iha oin rua, primeiru ba sira ne’ebe direitu automatiku, ne’e ba jornalista sira ne’ebe molok lei komunikasaun sosial mai, sira ne’e Jornalista ba tinan 5 leten, sira ne’e ita bolu direitu automátiku, maibé sira mos prenxe formuláriu ne’ebé KI iha.
Hatutan nia, ida fali prosesu estájiariu sira ne’e iha media ida-idak nian, media haruka sira mai tuir formasaun iha KI fo formasaun durante nia prosesu ne’e tinan 2, molok nia atu hetan.
Durante konsellu Imprensa harii to agora, konsellu Imprensa atribui ona 273, karteira profesional, husi 273, nee 73 muda mona sira nia profisaun, sira ne’ebe uluk Jornalista, maibé governu bolu nia sai media offisial, tama tiha funsionariu ka ajénsia estadu nia kartaun ne’e pending, razuan KI iha poder atu foti fila-fali karteira profissional ne’e,” katak nia
Expedito hatutan, definisaun Jornalista maka ne’e ema ne’ebe loro-loron ba buka informasaun buka notisia, mai halo edisaun hotu nia fo sai media ne’ebe iha, eletrónika ka imprime ida ne’e maka naran jornalista.
Jornalista MG : Azelio da Cruz
Editor : Agapito de Deus
