Lafaek News–Presidente Interenu Konsellu Imprensa (KI), Expedito Dias, hateten Konsellu Imprensa iha Mandatu 2022-2025, presija mata dalan ida atu regula servisu konsellu Imprensa ninian.
Konsellu Imprensa KI, iha Mandatu ida ne’e 2021 too 2025, konsellu Imprensa hanesan instituisaun órgaun estadu independente presija iha mata-dalan ida hanesan bíblia ida bele kaer, husu bele leno bele kaer, bele hatudu oinsá maka bele la’o ba oin,” dehan Expidito Dias. ba jornalista sira molok halo lansamentu planu estratéjiku ba periodu 2022-2025 iha KI, kinta (10/02/2022).
Tanba ne’e atensaun konsellu Imprensa (KI) nian, oinsá maka bele halo kria planu estratéjiku ida hodi nune’e kaer hanesan mata dalan atu hala’o servisu 2022 too 2026 ohin (10/02/2022) KI konvida parseirus, konvida asosiasaun Jornalista, media nain sira, liu-liu governu hodi mai haree katak, konsellu Imprensa iha ona mata dalan ida, iha ona planu estratéjiku bele orienta atividade durante tinan lima nia laran.
Iha parte seluk Expedito sublina ba da-daun Konsellu Imprensa halo desiminasaun ba parte óragaun balun ne’ebe ladun tau importansia ba jornalista sira nia servisu iha area terenu.
Ita iha kode étiku jornalismu, iha kode étika pontu 9, maka regula jornalista sira oinsá jornalista sira bele halo, no saida mak jornalista sira labele halo,” katak nia
Expidito dehan, dala barak entidade balun liu-liu governu nian dala barak sees an husi media, atu bele hetan informasaun ne’ebé di’ak, tanba iha kódigu Jornalista hateten notisia tenki iha balansu, atu asegura ida ne’e Jornalista tenki buka fontes ne’ebe lolos, maibé dala barak fontes sira liu-liu sira estadu nian buka atu ses tanba, karik sente dehan informasaun ne’ebe nia atu hato’o ne’e sei labele halo konfirma saida maka Jornalista hakarak.
Konsellu Imprensa, órgaun reguladora, sempre tau matan no fo informasaun oinsá kode étiku ne’e bele la’o ho di’ak, entaun Jornalista mos kaer kode étiku ne’e ho di’ak, see bainhira jornalista halo konfirmasaun fontidades ida, maibé nia la ko’alia tenke hatete iha notísia katak, bainhira jornalista ne’e hakarak konfirma ho entidade ida ne’e maibé lakohi fo informasaun.
Jornalista MG : Azelio da Cruz
Editor : Agapito de Deus
