Bobonaru-(Lafaek News)—Centru treinamentu Saun José (CTSJ), Fornese formasaun gratuita ba esttudante no juventude Maliana atu prepara an kontribui ba prosesu dezenvolvimentu nasionál.
Koordenador Sentru Treinamentu Saun José Maliana (CTSJ), Yohanes Wordeng, esplika sentru formasaun ne’e harii iha 2012 too ohin oferese gratuita ba joven no estudante sira ne’ebé iha interese partisipa tuir formasaun refere atu hasai sira nia koñesimentu no abilidade di’ak hodi kontribui ba dezenvolvimentu nasionál.
“Formasaun ne’e ami fo gratuita de’it ba estudante no joven sira,no estudante ho joven sira ne’ebé halao treinamento iha fatin ida ne’e sei la fila ba uma.tanba ami oferese fatin kratuita no han hemu gratuita durante tinan 1 iha fatin ida ne’e.”dehan Yohanes ba jornalita lafaek news iha nia kanar fatin foin lalais ne’e.
Dezde hahú formasaun husi 2012 too agora formandus hamutuk ema na’in 20 mak harii ona sira negósiu hodi oferse fali servisu ba joven sira ne’ebé dezempregu hela.
“STSJ sai hansan exemplu di’ak ba estudante no joven sira tanba estudante barak mak hetan ona fatin di’ak husi formasaun ne’e rasik, estudante no joven barak aprende kona-ba produs kaixaun, Armari, odamatan, Kama no seluk tan joven ne’ebé tuir formasaun iha fatin ne’e mai husi munisípiu 12 inklui Raeoa,” nia subliña.
Iha sorin seluk formador, Sebastião Vicente Martins, reforsa formasaun ne’ebé fo ba partisipante sira ho durasaun tinan 1, tanba ho nivel eskola diferente.
“Tan ne’e ami uza uluk teoria uitoan hafoin fó prátika, iha formasaun ida ne’e too remata ami mos oferese sertifikadu gratuita de’it,” katak treinadór ne’e.
Jornslita : Etelvina Sarmento
Editora : Nelya Barros