Lafaek News (Baucau)-Comisaun Nasional das Eleisoens (CNE) ho Sekretariu Tékniku Administrasaun Eleitoral (STAE) munisípiu Baukau, quarta (20/04/2022) oras tuku 14 :10, transporta urnas 3 akompania husi PNTL ho fiskais ba CNE sentral hodi submete ba prosesu apuramentu nasional.
Tuir ita nia konkordancia Fiskais sira hodi kalan Ita xave tiha, Numero xave sira hakerek tiha ohin sira lori fali sira nia apontamentu mai ita konfirma lori ba Dili,’’ Diretor STAE Baucau Lucio Salvador Freitas ba jornalista sira iha nia knaar fatin, kuarta (20/04/2022)
Hodi dehan, votus válidu kandidatu PR no 2 Francisco Guterres Lu Olo hetan pursentu 66.45 husi votantes 45.985, enkuantu kandidatu no 1 José Ramos Horta hetan pursentu 33.55 husi votantes 23.217 votus hirak ne’e mak konserva iha urna 3 hodi haruka ona ba Dili.
Iha sorin seluk diretor STAE ne’e relata, iha eleisaun prezidensial dahuluk eleitores iha 95.674, maibé iha eleisaun ronde segundu eleitores 95.708, balun la vota tanba eleitores siratinan, fulan ho loron seidauk atu vota iha Eleisaun primeru volta, husi numeru ne’e taxa partisipasaun iha eleisaun segunda volta sa’e 73.09 votantes hamutuk 69.952 kompara ho taxa partisipasaun eleisaun primera volta.
Ami STAE Baucau rejistu Votu nulu 2.035 iha Segundu volta agora da-daun ne’e tun ona ami rejistu votu nulu hamutuk 524,” dehan Diretor STAE Baucau.
Nia afirma, rezultadu iha eleisaun segunda volta ne’e votus nulu reduz makas, ho razaun autoridade lokal sira halo kooperasaun di’al ho STAE hodi mobiliza eleitores sira partisipa máxima iha edukasaun votantes nivel suku.
Dadus ne’ebe STAE Baukau rejita iha votus abandonadu 9 ho porsentu 0.01 votu nulu 542 ho pursentu 0.75, votu branku 191 ho pursentu 0.27 votu reklamadu 25 ho pursentu 0.04 inklui ho votu rezeitadu 1.
Jornalista : Ana Romana
Editor : Agapito de Deus
