Lafaek News—Centru Nasional Chega (CNC I.P) Kinta, 16/05/2024, asina nota entendientu ho Unversitas Wydia Mandira Kupang hodi hametin liu tan kapasidade instituisional.
Diretor ezekutivu Centru Nasional Chega (CNC!. P) Hugo Maria Fernandes, esklarese objetivu husi servisu hamutuk ne´e atu hametin no haforsa kapasidade instituisional, CNC nudar institutu públiku, ne’ebé halo relasaun barak kona-ba edukasaun oinsá haforsa kapasidade instituisional ho parseria, tanba ne’e mak ohin CNC I.P, asina nota entedimentu ho Universitas Katolik Wydia Mandira Kupang.
“Liu husi kooperasaun ne’e rasik hanesan objetivu boot ba ami halo interkámbiu entre akadémiku ho estudante universidade ne’eba nian mai halo peskiza hamutuk no estájiu, alende ne’e mos ba futuru sei halo peskiza konjuntu no seminar konferénsia publikasun sira, ida ne’e sai hanesan ámbitu kooperasaun ne’e rasik, tanba CNC nakloke tebes simu parseria ida ne’e hodi kontinua hatur prezensa Centru Chega nian iha ita nia rai nomos iha rai liur, nune’e mos ba futuru CNC, sai fatin ida ba ema mai aprende,” Hugo afirma.
Jestor CNC ne’e afirma tan, iha tinan ida ne’e CNC sei simu estudante estajiadu sira husi universidade katólika Kupang mai halo estájiu iha CNC, durante fulan 3 hodi aprende hamutuk iha CNC, alende ne’e mos kona-ba peskiza husi akadémiku sira, CNC prontu atu simu estudante akdémiku husi universitas katolik Wydia Mandira”, dehan nia.
Entretantu, liu husi nota entendimentu ne’ebé CNC! I.P ho Universitas Wydia Mandira Kupang, asina hamutuk kesi kooperasaun durante tinan tolu, posibilidade sei extende bainhira kooperasaun tinan tolu ne’e remata.
Jornalista : Crispin De J. Amaral.
Editor : Agapito de Deus
