Lafaek News—Sekretariu Estadu Ensinu Sekundariu Jeral no Ensinu Tékniku Vokasional, Kinta, 16/05/2024, marka reuniaun ho koordenador ho diretor jeral nain 2, ho diretor nasional nain 2 inklui funsionárius tomak Ministériu Edukasaun halo diskusaun klean molok simu vizita Liurai boot husi Brunei Darusalam iha serimonia isar Bandeira 20 de Maiu.
.Sekretariu Estadu Ensinu Sekundaria Jeral no Ensinu Tékniku Vokasional, Domingo Lopes Lemos relata kona-ba enkontru ho diretor eskola sira ne’ebé mak ninia rute husi Komoro too iha palasiu presidente da republika nian atu prepara hodi simu liurai refere tanba hetan orientasaun husi Primeiru Ministru Kay Rala Xanana Gusmão.
“Husi enkontru ne’e rasik, tanba primeiru ministru husu ita nia partisipasaun, liu-liu estudante sira iha loron 20 fulan Maio tinan ne, ne’ebé mak hetan vizita husi Liu-rai Brunei Darusalam, tanba ne mak vice primeiru ministru husu ba diretor eskola hotu atu autoriza estudante sira nia partisipasaun iha momentu vizita ne rasik, atu nune estudante sira hamriik iha estrada ninin sira husi areportu komoro to palasiu presidente”, Domingos informa.
Tanba ne’e fo hanoin hela ba diretores eskola no-mos koordenador hotu hodi mobiliza estudantes sira iha minutu ida ne, alende estudante ne’ebé atu partisipa ladun barak, tanba rute ne’ebé iha ne’e, tenke haree dezafiu barak karik akontese bainhira mobiliza estudante ne’ebé hela dook atu bele partispa.
“Estudante sira atu partisipa ne’e, ita hree sira ne’ebé hela iha rute aeroportu Komoro too palasiu presidente, tuir estimasaun ne’ebé ohin diretor eskola sira fo estudante besik 11.150, inklui mos professores sira,” Domingos Lemos informa.
Iha fatin hanesan, Diretora Eskola Báziku Central Faról, Filomena Fátima haktuir, enkontru refere atu rona informasaun husi lider ministériu edukasaun nian nune’e bele partilla fali ba eskola kona-ba preparasaun ba simu vizita Liurai husi Brunei Darusalam ne’ebé atu mai iha loron 20 Maiu.
“Tanba ne’e mak ami ho estudante barak, maibé ami autoriza mak estudante sira husi eskola Sentral Farol nian, total estudante 97, tama tan ho eskola EBF, Fatuhada hamutuk 1500, konta mos ho professores sira hotu”. Filomena informa.
Jornalista : Crispin de J. Amaral
Editor : Agapito de Deus