Lafaek News— Joven inteletkual postu administrativu Letefoho munisípiu Ermera, inisia hanoin hamutuk ho parte parokia Nosa Senhora do Carmo, Letefoho inklui ho veteran sira inisia hakarak harii postu administrativu ida tan iha munisípiu Ermera.
Asuntu ne’e hatoo husi inisiador Julião Marito hamutuk xefe suku 5 iha husi Postu Lete-Foho no Postu Atsabe hamutuk mos ho reprezentante veteranus no representante Igreja Katolika no Intelektualidade sira husi suku halo reuniaun iha Salaun Cristal Balide Dili , hodi hili suku lima husi Postu Atsabe no Postu Lete-Foho atu sai Postu Foun iha tinan ida ne’e.
“IX Governu iha nia polítika importante ida mos atu dezentraliza administrativa atu bele loke espasu ba dezenvolvimentu besik ba ita nia povu, entaun ho ida ne’e ho inisiativa líder lubuk ida nian, entaun ha’u halo ona proposta balum hato’o ona Ministru Estatal ho nia vise, ohin ne’e ita halo enkontru hamutuk fali ho inteletuais husi Katrai, Launa, Baboe leten, Lemeia hamutuk atu bele fo hanoin ideia furak ruma, oinsá mak atu bele hamosu fali ekipa ida hodi halo peskiza foti dadus hotu-hotu, dadus ida ne’e hatudu katak ita prense ona rekezitus ka lae entaun enkontru ida ohin ita forma ona ekpia atu la’o ona servisu, husi rezultadu husi servisu ne’e mak ita aprezenta fila-fali ba nai ulun boot sira atu foti desizaun, naran ba postu foun ne’e mak Calbale tamba Uluk Amu Ensu ho líder lubuk ida hanoin ona naran ba postu foun ne’e mak Calbale,” dehan portavoz Julião Marito ba Lafaek News foin lalais.
Iha sorin seluk Reprezentante Xefe suku lima kompostu husi suku Catrai-Craic, Catrai-Leten Lauana, Baboe No Lemia, Carlos da Conceição, hatutan reuniaun ne’e importante loos atu fo hanoin ba Calbale oan hamutuk hodi Hamoris ita nia postu foun.
“Ami na’in lima maibé kolega nain rua la partisipa, maibé la signifika katak, kolega nain rua la involve iha laran ami na’in tolu mai iha ne’e reprezenta ami na’in lima no mós inan aman sira hotu husi Calbale tomak ne’ebé mak iha knua ne’eba, ami na’in lima hanesan hela bibi atan ida atu sulan de’it bibi sira iha Calbale, ita hotu tau liman hamutuk bele ka lae,” Carlos afirma.
Reprezentante Veteranu husi Calbale ka Catrai Launa Baboe Lemeia, Mateus Maia Jino “Lases”, mós salienta lori aman veteranu sira hotu nia naran atu fo apoiu tomak ba planu ne’ebé atu harii postu foun iha postu Lete-foho no Posto Atsabe nia klaran, hakarak ka lakohi Catrai Launa Baboe Lemeia tenke sai Postu administrativu ketak ida.
“Ha’u lori ama Veteranu sira hotu inklui sira ne’ebé mate no sobrevivente no mos joven rezisténsia sira hanesami ami mak ohin dehan Veteranu, ha’u atu dehan ba Calbale oan sira suku lima ne’e tenke hatene istória, Veteranu mak liberta nasaun ne’e sai Independente ona, maibé atu liberta fali dezenvolvimentu ne’e iha imi nia liman la’ós Veteranu , fo hanoin ba Calbale oan sira imi hamutuk hakarak ka Lakohi, Calbale bele sai posto ka lae, ne’ebé determinante iha ita boot sira nia liman, la’ós mai ami sira ne’e inan aman sira ami sira kontribui de’it,
Ikus Reprezentante Igreja Katólika iha Calbale, Padre Rocke Soares da Costa, mós fo nia apoiu tomak ba iha postu foun ne’e mak sei hamrik iha tempu badak, suku Catrai-Craic Catrai-Leten Launa, agora da-daun pertense ba postu Leste foho, no suku rua husi Posto Atsabe mak hanesan suku Baboe Leten no Lemeia, suku lima ne’e mak sei hamutuk sai postu ida nia Naran Calbale Iniciator ba postu foun ne’e mak Julião Marito “Zebra” hanesan mós vise Reponsavel ba iha Caixa Klandestina Fatuk/Ikun Salele
Jornalista : Mateus Felisberto de Deus
Editor : Agapito de Deus
