Lafaek News— Deskonfia buli cook bee nakfera rezulta serkuitu hamosu ahi lakan naboran han motuk kios vendedores hamutuk 22, no ema iha uma laran feto 50 mane 49 inklui labarik 14 hamutuk total okupantes hamutuk 113.
Akontesimentu mosu iha loron tersa (10/01/2023), ahi komesa naboran iha tuku 12: 45 OTL, iha merkadu Taibessi rezulta sasan uma laran inklui nesesidade kioske nian la konsege salva.
Tuir vítima Nunes Gudinho Ximenes dehan, akontesimentu ne’e ahi han merkadu taibessi ba dala haat ona (4x), primeiru mosu iha tinan 2006, 2016, 2019 ho 2023 tinan ne’e.
Nia dehan, fatin ne’e ahi han tinan dala haat ona hahú hosi 2006, 2016, 2019 no 2023 kazu ne’e akontese buli cook mak rabenta no naben komesa sirkuit ba fui eletresidade hodi hadaet ba uma seluk rejulta ahi han
“Ahi ne’e han hosi ami nia viziñu nain ba tiha ba foho hela de’it tia Ida mak hein ho idade 50, mak hakilar ahi han mak ami halai sai salva an,” katak Nunes.
Iha fatin hanesan prezidente autoridade munisípiu Dili, Guilhermina Filomena Saldanha Ribeiro, afirma komunidade ne’ebé ahi han ninia uma la konsidera hanesan uma kain, maibé hanesan negosiante, tanba hela iha merkado hodi faan entaun estatu la hanesan ho komunidade razaun sira Vendedor.
“komunidade ne’ebé ahi han ninia uma la konsidera hanesan uma kain, maibé hanesan negosiante, tanba hela iha merkado hodi buka moris,”dehan Prezidente Autoridade Munisípiu Dili ne’e ba jornalista sira iha fatin akontesimentu merkadu Taibessi.
observasaun lafaek news nota iha insendiu ne’e rezulta komunidade sira nia sasan uma laran la konsege salva no komunidade sira evakua ona ba eis asramara militar hodi hetan hein apoiu emerjensia husi governu.
Jornalista : Acacio Pinto
Editor : Agapito de Deus
