Lafaek News—Governu sei buka dalan ko’alia ho Komisaun Reguladóra Arte Marsiál (KRAM) atu haree arte marsiais nian regularmentu atu regula hotu atividade, hanesan farda labele hatais iha fatin públiku hodi provoka malu atu mosu probelma.
Asuntu ne’e hato’o husi Xefe Kaza Militár interinu Prezidénsia Repúblika, Major Françisco da Silva hafoin remata enkontru entre Prezidente Repúblika, José Ramos-Horta, ho Konsellu Superior Defeza no Seguransa, iha Palásiu Prezidensiál Tersa ( 10/01/2023).https://www.lafaeknews.tl/familia-matebian-no-familia-vitima-tanis-povu-tanis-no-nasaun-tanis/
“Governu sei buka dalan oinsa atu ko’alia ho KRAM oinsa atu haree fila fali sira nian regularmentu atu regula arte marsiais sira hotu, laos atu taka, maibé atu regula sira nia atividade hanesan farda ne’ebé mak sira hatais ba trenu ne’e loloos hatais bainhira too fatin trenu labele hatais hodi lao iha bairu laran, nune’e labele hatudu ba iha públiku hodi provoka malu ne’e mos dala ruma bele mosu probelma”, deklara Xefe Kaza Militár interinu Prezidénsia Repúblika, Major Françisco da Silva iha Palásiu Prezidensiál Tersa ( 10/01/2023).
Informa Xefe Kaza Militár Interinu katak, KRAM haree regularmentu sira ne’e hodi hadia fila-fali, no KRAM sei ko’alia ho lideransa artemarsias hotu ne’ebé mak oras ne’e dadaun eziste iha Timor Leste
Iha enkontru ne’e Xefe Estadu no Xefe Governu hato’o mensájen ba iha sidadaun hotu katak labele tur hamutuk hodi kria problema hanesan goja malu iha dalan, hemu tua, nune’e labele mosu probelma, tur hakmatek iha uma ajuda inan aman nune’e evita hamosu prolema.
Entretantu tuir Dadus ne’ebé fo sai iha enkontru ne’e katak, kazu Elemloi tuir dadus vítima ne’ebé hetan sona ne’e uluk artemarsias ikatan kera sakti ( IKS) sai tiha husi IKS hakarak tama fali ba iha artemarsias 77 entaun nian maluk sira ne’ebé mak uluk hamutuk iha IKS mak hatudu deskontenti nune’e laran moras ba malu odiu malu nune’e hamosu prolema hodi vitima lakon vida.
“kazu Elemloi tuir dadus vítima ne’ebé hetan sona ne’e uluk artemarsias ikatan kera sakti ( IKS) sai tiha husi IKS hakarak tama fali ba iha artemarsiais 77 entaun nian maluk sira ne’ebé mak uluk hamutuk iha IKS mak hatudu deskontenti nune’e laran moras ba malu odiu malu nune’e hamosu prolema hodi vitima lakon vida”.
Enkuantu iha enkontru ne’e Xefe Estadu no Xefe Governu hato’o mensájen ba iha sidadaun hotu labele tur hamutuk hodi kria problema hanesan goja malu iha dalan, hemu tua, nune’e labele mosu probelma, tur hakmatek iha uma ajuda inan aman nune’e evita hamosu prolema.
Jornalista : Rita Moniz
Editór : Agapito de Deus
