Lafaekk News—Prezidente Autoridade Munisípiu Dili, (PAMD), Guilhermina Filomena Saldanha Ribeiro, afirma nia parte husu negosiante sira iha futuru evita ligasaun eletrisidade illegal, tanba merkadu la’os fatin atu hela permanente.

“Fatin ahi han tun ba kraik  ne’e, ba 54 vendedores ninian ne’e iha ne’ebá fasilidade ami halo fasilidade ne’ebé bele ba vendedor ida fan sasán iha fatin ne’ebá, depois ami entrega sira sei halo deklarasaun katak sei laiha ligasaun ahi illegal iha ne’ebá fatin ne’e atu fan de’it  sasán labele hela iha ne’ebá tanba ne’e fatin merkadu,” katak Autoridade munisípiu Dili ne’e hafoin prezente iha akontesimentu inséndiu merkadu Taibessi, tersa (10/01/2023).

 tuir levantamentu husi tékniku PEDN halo dezeñu BoQ, iha ona orsamentu 300 mill resin atu reabilitasaun merkadu Taibessi liu-liu fatin ne’ebé la seguru ba vendedores, sei hein prosesu atu ADN aprova dezeñu hafoin servisu la’o.

“Ami hetan osan ituan tuir levantanentu ne’ebe maka tekniku sira halo tékniku PDN, munisípiu Ministériu ninian, ami halo ona levantanentu halo mós dezeñu BoQ, orsamentu mós iha ona besik 300 mil resin, hein de’it ita ninia ADN aprova dezeñu ami bele identifika ona kompanha ne’ebé mai halo reabilitasaun ba fatin refere, más ida ne’e de’it la to ne’e hanesan ita kura kura de’it,” katak Guilhermina Filomena Saldanha Ribeiro.

Autoridade ne’e nafatin relata infraestrutura ne’e sei halo mós haris fatin ba feto no mane nian inklui haris fatin ba defisiente no atu uza de’it ba nesesidade ki’ik no bo’ot la’os atu haris no fase roupa.

“Ami mós halo infraestrutura halo haris fatin ne’ebé mak kompletu haris fatin ba feto haris fatin ba mane, nune’e mós haris fatin ba defisiente maibé haris fatin atu uja de’it ba nesesidade kiik  ho bot la’ós atu haris la’ós atu fase roupa” hetete Guilhermina

Jornalista  : Aniceto Dias

Editor       : Agapito de Deus