Lafaek News—Brigadeiro Jeneral João Miranda “Aluk” Descartes husu Eis Komadante ein Xefe Falintil Kay Rala Xanana Gusmão atu fó autorizasaun hodi foti sai matebian (Armindo Borjes) nia mate isin ba hakoi iha Metinaro, maibé Kay Rala Xanana Gusmão defende katak imi tiru ha’u mate uluk mak imi bele foti sai matebian ne’e ba semiteriu metinaru.
“Imi atu mai foti mate isin (Armindo Borjes) ne’e imi tiru ha’u mate uluk lai mak bele foti mate isin ne’e hodi ba hakoi iha Metinaru,” dehan Xanana
Eis Prezidente Republika ne’e hatutan, nia parte defende matebian no la fó autorizasaun ba parte ministériu saúde atu foti mate isin hodi ba hakoi iha metinaru, no nia prontu tur hein mate isin ne’e to’o fulan 1 iha Vera Cruz mós nia sei la fó autorizasaun ba parte saúde atu foti sai matebian (Armindo Borjes).
“Ha’u tur hodi hein mate isin iha ne’e to’o fulan 1 mós ha’u prontu, mate isin mak la entrega ba familia ha’u sei hein iha ne’e to mate ne’e dodok to dois mós diak, maibé ha’u sei la fo ba imi atu hodi ba hakoi iha Metinaro,” nia informa
Iha fatin hanesan Brigadeiro Jeneral João Miranda “Aluk” Descartes dehan rezultadu husi enkontru katak atu foti mate isin (Armindo Borjes) hodi ba hakoi iha Metinaro, maibé seidauk serteza tanba Brigadeiro sei hasoru Ministra Saúde hodi foti desizaun ikus ba mate isin refere.
Jornalista : Sandi Belo
Asisten Editór : Pedro de Almeida
