Lafaeknews-Ohin, Segunda 12/0/2021, Eis Prezidente Repúblika (PR), Kay Rala Xanana Gusmão husu ba Komodoro Pedro “Klamar Fuik” atu hadia tiha failansu iha Ministériu Saúde (MS) hodi povu bele fiar Covid-19 máka hamate Armindo Borges.
Iha parte loraik ne’e, Koordenadór Serká Sanitária-SIJK, Pedro “Klamar Fuik” mós hasoru Xanana Gusmão iha sala izolamentu Vera Cruz hodi buka solusaun ba mate isin Armindo Borges atu lori ba hakoi iha metinaru, maibé seidauk iha solusaun nafatin.
Nune’e, Xanana ko’alia hakilar, pozitivu sira ba ne’ebé han hemu, la hemu ai-moruk negotivu fila ami povu nia kompriensaun hanesan ne’e de’it ona.
Tan ne’e mak, Xanana nafatin defende mate isin tenke fó fila ba família atu bele família sira hakoi tuir kultura nian.
“Ha’u hakarak louva ho imi nia servus, povu fiar ha’u nia objetivu la’ós ha’u atu manan imi lae, ha’u nia objetivu imi tenke ko’alia oinsa ema fiar imi,” dehan Xanana ba Pedro “Klamar Fuik”
Xenana haktuir, hakarak fó atensaun de’it tanba, ha’u la’o ema hakilar ha’u dehan Covid-19 ne’e bosok, ne’e mai ha’u fó hanoin ba imi.
“Ita hotu lakohi povu atu mate ho Covid-19 los ka lae?,” esplika Xanana ba Pedro “Klamar Fuik”.
Tanba ne’e, Xanana husu Governu hadia maneira komunikasaun ho povu atu povu fiar, ha’u ba mós povu labele dehan ba ha’u katak Covid-19 ne’e bosok.
Ho observasaun lafaeknews.com haree iha sala Izolamentu Covi-19 ne’e, parte husi Governu liuhusi Ministra Saúde (MS) no Koordenadór Sala Integradu Jestaun Krize (SIJK) mai ko’alia ho lidér karismatiku Kay Rala Xanana Gusmão to’o agora mós laiha solusaun ba mate isin ne’ebé deskonfia Covid-19.
Jornalista : Acacio Pinto
Editór : Floriano Soares
