Lafaeknews–Prezidente Parlamentu Nasionál (PPN), Aniceto Longuinhos Guterres Lopes, husu Lidér karismátiku Kay Rala Xanana Gusmão atu labele impede tanba dezautoriza husi governu nune’e nia parte husu halot mate isin tuir regra MS-OMS nian.

“Maun bo’ot Xanana hatete ne’e, bosok Covid-19 polítik agora derepenti ema mate lahatene nia preokupa nia tun kedas ba iha ne’eba, nia atu hatudu mesajem saida ou kala nia iha interese ka saida, maibé hanesan Lidér estadista bele kritika, maibé labele impende ne’e aktu sira ne’ebé dezautoriza husi Governu,”  dehan PPN Aniceto Guterres ba Jornalista sira liu hosi konferénsia Imprensa iha PN, Segunda, (12/4/2021).

Nia hatutan, lidér karismatiku Xanana Gusmão halo intervensaun relasiona ho Covid-19 ne’ebé ita nia Governu halo, tanba ne’e eis Ministru saúde ida ne’ebé di’ak liu durante ne’e iha ita nia rai independénsia.

“Kestaun siensia ne’e la’ós kestaun ita nia rasosiniu ou alka sehat, maibé teste sientifikamente iha laboratáriu positivu, dehan Covid-19 sé hakarak hanesan ne’e nusa lori ba ospital to’o ona ospital intervensaun maka ne’e hanesan bai-bain pasiente hotu-hotu ba informa moras,” Dehan Aniceto.

Nia dehan tan, MS-OMS sira hala’o knaar bazeia ba sira nia siensia bainhira ema ruma hetan sintomas tenke teste ba iha laboratoriu atu hatene positivu ou negativu  tanba ne’e ema mate positivu Covid-19 nia tenke aruma tuir regras MS-OMS nian ne’ebé ita nia Governu prepara ona fatin.“Tuir regra kuandu ema mate ba Covid-19 ona, nia tenke aruma tuir ida ne’e, ha’u la konkorda hanesan sidadaun no PPN ne’e komportamentu no atitude ida ne’ebé bele hetan apresiasaun hosi ema hotu karik buat ruma nia la konkorda nia bele hato’o nia kritiku, bee nusa mak “turun tangan lansun ba kampu,” hakotu nia.

 Jornalista       : Joni Mau Risa.

Asisten Editór : Pedro de Almeida