Lete-Foho-(Lafaek news)—Kuarta (30/12/2020), mosu asidente kareta baskulante ho xapa matrikula 56884, baku fila iha oras 11:50, otl, iha suku Hatugau postu administrative Letefoho munisípiu Ermera, rezulta joven na’in rua (2) mate fatin no ema na’in 15 kanek todan no kondutor ne’ebe konduz truck refere asegura hela iha polisia eskuadra Letefoho.
Identidade husi truck (baskulante), marka Arani ho xapa matríkula 56884, diresaun husi Postu Lete-Foho ba Suku Hatugau, ho kauza tula rai Henek iha laran nakonu inklui no mòs pajeirus sira iha laran todan, nune’e karreta ne’e nia roda kois ba rai lo-loon hodi doir an kuaze metru 8 ba rai naruk.
Pasajeiru na’in rua ne’ebé mate kedan iha fatin akontesimentu ho naran Olívio Soares, idade 23, no Elvis Soares idade 14, vitima ne’ebe kanek hamutuk 15 husi numeru ne’ ema na’in 4 maka kanek todan.
Tuir observasaun lafaek news iha fatin akontesimentu Iha asidente refere pasajeiru na’in 15 ne’ebé kanek evakua kedan ba sentru saúde postu administrativu Letefoho hodi kontinua tratamentu ikus mai vitima na’in 8 evakua kedan b ospital Glenu no vitima nain rua lori kedn HNGV, entretantu mate isin nain rua sei rai hela iha fatin akontesimntu kkuaze oras haat nia laran hodi hein prosesu investigasaun husi Polísia munisipiu Ermera, hafoin entrega ba familia sira suku Hatugau hodi deside ba serimonia funebre.
Jornalista : João da Costa Soares
Editora : Nelya Barros
