Lafaek News—Populasaun suku Katrai-Kraik, postu administrative Letefoho, munisipiu Ermera, kompostu husi aldeia 8 seidauk asesu ba estrada hodi lori produtu lokál asesu iha merkadu.
Xefe Suku Katrai-Kraik Carlos da Conçeição Soares, ba Lafaek News hatete, problema sériu ba suku Katrai-Kraik maka Estrada iha bailoron no mòs udan susar ba transporte atu asesu tula komunidade sira produtu lokál ba merkadu.
“Iha ha’u nia Suku rasik iha aldeia 9, ida ne’ebè mak asesu di’ak ba estrada ne’e aldeia Manturai, iha Aldeia 8 seluk susar tebes kareta atu tama,” lider komunitariu ne’e informa ba lafaek news iha CCD foin lalais.
Aldeia ualu ne’e mak hanesan Baulesuria, Manukoliria, Hatulete, Mausara- mata, Kolkoli, Hatuleo, Hatudmei no Lebrema.
“Ami sujere Ministériu Infraestrutura Primeiru atu tau prioridade liu ba estrada, tanba dezenvolvimentu hotu-hotu husi Postu tama to’o Suku no Aldeia, presiza estrada tenke di’ak,” Sujere Nia.
Entretantu Uma kain husi Suku refere atus neen ida (601), no total populsaun husi suku katrai-karik hamutuk Rihun rua atus neen ida (2601). Husi disntansia Kilometru hamutuk Sanulu resin Hitu (17) husi Postu Lete-foho ba Suku katraik-kraik.
Jornalista : João da Costa Soares
Editora Nelya Barros
