Lafaek News—Autoridade Protesaun Sivil (APC-sigla Portugés), 03/02/2025, atualiza desastre naturais durante semana ida iha territoriu nasional, makas liu husi munisípiu 7
“Hahu iha loron 27 Janeiro-03 Fevereiro 2025, Durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu, kazu dezastre hamutuk mak hanesan, Anin Bo’ot (7), Prienxe Kriteria (5), Apoiu deit Emerjensia (2), Numeru Ema Afetadus (32), Ema evakua (15), liu-liu iha Munisipiu sira hanesan tuir mai ne’e, Municipiu Boboaro Anin sobu (1), Municipiu Covalima Anin Sobu (1), Municipiu Ermera Anin sobu (2), Municipiu Liqiuça Anin sobu (1), Municipio Manufahi Anin sobu (1), Municipiu Viqueque Anin Sobu (1). Comando APC Munisipiu ho Parseirus Relevante fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item). Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon,” Nelson Nunes de Orleans ba Jornalista sira iha segunda-feira 03/02/2025.
Nelson informa APC halo ona prevensaun tempu Diresaun Nasional Meteorologia no Geofisica iha semana kotuk nia laran, husi dia 27 Janeiro-03 Fevereiro 2025.
Kondisaun Tempu, iha semana kotuk nia laran atmosfera estavel ka kalohan taka iha Territoriu Nacional kauza udan Fraku-Naton bele lokalmente udan Forte liuliu iha municipiu, Manatuto, Manufahi, Vikeke.
Temperatura maxima iha territoriu nasional varia husi 26-31 °C e minima 19-25 °Cm Kondisaun Anin, Anin hu’u ho Velocidade Normal-Naton ba fortre iha teritoriu nasional, iha parte Costa Sul hanesan Baucau, Bobonaro, Aturo Lautem.
Kondisaun Laloran Tasi, Laloran tasi kosta Norte varia husi 0.1-1.0 metru (Kategoria Normal), Laloran tasi kosta Sul varia husi 0.7-1.0 metru (Kategoria Normal), Rai nakdoko, Iha loron 30-01-2025 oras 03:35:45, akontese rai nakdoko iha Timor Região ho nia magnitude 2.6, ho nia profunidade 10 km, Loc. 8.81 LS, 125.25 BT, lokalija iha Municipio Bobonaro, Postu Atabae.
Iha loron 01-02-2025 oras 04:50 AM, akontese rai nakdoko iha Timor Região ho nia magnitude 3.3, ho nia profunidade 28 km, Loc. 8.77 LS, 124.74 BT, Iha loron 02-02-2025 oras 22:46 PM, akontese rai nakdoko iha Timor Região nia magnitude 32,8, ho nia profunidade 71 km, Loc. 8.92 LS, 124.03 BT.
Mota tun, be’e sae, rai halai no seluk tan, APC hakarak rekomenda ba Komunidade hotu Karik akontese Udan bo’ot husu komunidade atu bele hases an fatin rizku sira hanesan mota ninin, Foho Lolon, ai-hun bo’ot, liña eletricidade, rai dokumentus importante iha fatin ne’ebe seguru.Kazu emergensia ruma halo tuir orientasaun Autaoridade lokal ou protesaun sivil nebe besik ou karik persija halo evakuasaun, mantein kalma nafatin, buka fatin nebe seguru no evita pániku,’ Nelson hakotu lia.
Jornalista: Maria Jose / Jonaida Corte Real
Editor : Agapito de Deus
