Lafaek News—Akontesimentu ai-tohar iha tuku 6:00, iha postu administrativu Railaku, munisípiu Ermera, difikulta transporte públiku husi Dili susar atu asesu lalais ba Glenu.
joven balu hiit hela motorizadas hakat liu ai-leten hodi kontinua ba Glenu. foto LN JCS.
Ba da-daun komunidade sira tesi namanas, maibé motirizadas sira ne’ebé ho ansidade husi Dili atu ba Ermera tenke selu komunidade ho $2.00 hafoin hiit motor liu husi ai santuku ne’ebé tohar nia leten hodi ultra pasa, tanba ai-tohar taka netik dalan.
tanba ne’e motor ho kareta husi Glenu mai Dìli, no railaku ba Glenu la di’ak, bainhira viajen jornalista Lafaek News husi Glenu atu asesu ba Dili, to’o iha dalan area postu Railaku tenke para provizóriu, tanba ai santuku huun boot ida maka monu latan hodi okupa total estrada difisil atu transporte sira liu ho lalais.
Observasaun Lafaek News haree katak motorista husi Dìlì-Ermera no husi Glenu mai Railaku obrigatóriamente labele liu tanba komunidade sita sei lori makina koa hela ai ne’ebé okupa hela estrada.
kada motor tenki selu dolar ida too dolar 2 ba komunidade ho balun atu bele hiit motor husi sorin ba sorin hafoin bele viajen Dili ba Glenu no husi Glenu mai Dili.
Maibé susar ba karreta atu utrapasa ho nune’e provoka engarrafamentu iha area refere hahú husis tuku 6:16 hodi hein komunidade sira tesi ai ne’ebé tohar hela iha estrada klaran.
Tanba ne’e, motirista sira balu deside hikas ba Glenu ba Ermera no husi Dili nian kontinua hein atu komunidade sira koa ai tohar ne’e remata mak foin bele ba Glenu no Ermera.
Tuir observasaun lafaek news iha terrenu nota katakkomunidade sira koa namas, maibé posibilidade bele too tuku id aka tuku rua madrugada hafoin bele finalize, tanba ai refere boot no presiza tempu atu lalin soe ba estrada ninin.
Jornalista : João da Costa Soares
Editora : Nelya Barros
