LAUTÉM · 21 Feb 2021 11:54 ·

Pontu Vokál VBJ Lautém Lamenta Apoiu MSSI Ba Vitima Tarde


Pontu Vokál VBJ  Lautém Lamenta Apoiu MSSI Ba Vitima  Tarde Perbesar

Lafaek news(Lautém)-Pontu Vokal Violénsia Bazeia ba Jenéru Munisípiu Lautém Lamenta ho maneira atendementu apoiu husi Ministériu Solidariedade Sosiál no Inkluzaun (MSSI) ba vitima violénsia sira tanba sempre apoiu tarde

Pontu Vokál violénsia bazeia ba jéneru iha Munisípiu Lautém, Leticia Belo, hatete, tuir loloos apoiu hirak ne’e mai iha tempu ne’ebé vitima sira presiza liuliu iha situasaun emerjénsia ne’e maibé dala barak apoiu hirak ne’e sempre mai tarde

“Ami rasik nu’udar umanu Ita hanoin entaun dala ruma ami hamutuk ho Parseiru sira ami tau osan hamutuk hodi ba ajuda sira, ida-ne’e mak ami bele halo tanba vitima dala ruma presija iha tempu ne’e kedas maibé ita hein ba nasionál mós kleur,”Dehan nia bá kontributor Lafaeknews iha nia knaar fatin Sentru Slidariedade Lospalos foin lalais , 21/02

Nia hatutan, apoiu imediatu ne’e tuir lolo’os kuandu vitima sira ne’e presiza mai kedas mais tanba situasaun rai laran entaun apoiu sira ne’e mai tarde

“Vitima violasaun sexual ne’ebé dala ruma nia isin rua ona no atu partus nia oan, nia ho kondisaun ne’ebé vulneravél  dala ruma sasán sira ne’e too mai bebe ne’e fulan tolu fulan haat ona, ezemplu hanesan iha tinan kotuk ha’u halo tia pedidu ba iha nasionál maibe hahú husi fulan marsu to’o agora rezultadu seidauk iha,”esplika nia

Pontu vokál ne’e esplika, tuir lolos parte relevante presiza apoiu imediatu ba vitima ne’e oinsá atu ajuda sira atu nune’e iha situasaun emerjénsia ne’e sira bele iha osan oituan  tanba dala ruma vitima nia kondisaun la hanesan ida ne’e mós ba vitima sira ne’ebé konsideradu vulneravél tebes nune’e iha prosesu kazu  nia keta ba iha tribunál entaun nia presiza iha osan oituan atu bele fasilita maibé dala ruma osan mai tarde entaun maneira ne’ebé iha maka pontu vokál sira serbisu hamutuk ho parseiru ho karreta ida de’it ba utiliza maneira oinsá atu bele ajuda vitima hodi tula nia ba iha tribunal, Dala ruma fó apoiu ai-han bá vitima depende ba situasaun ne’ebé iha.

Nia afirma, Iha tinan kotuk nia parte halo pedidu ba vitima na’in 4, tipu apoiu ba vitima ne’e la hanesan vitima balun ne’e mai ho kondisaun vulneravél entaun kondisaun saida mak sira presiza, sira presija apoiu emosionál de’it entaun nia presija de’it ema atu fó apoiu moral de’it

“Komu iha ne’e la iha ema espesialista ba Psikolojia entaun ami hare ba ida-ne’e la iha ami dala ruma serbisu hamutuk ho Madre, Padre atu bele fo konsellu ba sira atu nune’e sira bele rekupera lalais sira nia situasaun trauma,” Esplika nia

Entretantu, iha tinan 2020 pontu vokál violénsia bazeia ba jenéru rejista kazu hamutuk 11 entre kazu hirak ne’e inklui vitima mane na’in tolu kompostu husi kazu violasaun sexual, abuzu sexual, violénsia doméstika, mostratos ba konjuge.

Kontribuitór         : Joenaca da Conceição

Asisténsia Editór : Egidio Nono

1,395 Views
Artikel ini telah dibaca 14 kali

badge-check

Editor

Baca Lainnya

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Fenómena Udan Monu ho Kór Metan iha Tutuala

9 June 2024 - 16:08

Povu Kiik Iha Postu Lore Halerik Tebes Sira nia Estrada

31 May 2024 - 17:12

Atauro Oan ida Mout Iha Tasi Parte Lautém Deskonfia Lafaek Mak Tata

25 March 2024 - 16:59

Trending di LAUTÉM