Lafaeknews – Akontesimentu udan boot durante loron tolu ponte sikal, Iha munisípiu Lautém, postu Lospalos vila, suku fuiloru, aldeia Bemoris, kuaze hetan ameasadu besik kotu tanba sobu husi korrente mota.
Tuir komunidade ne’ebé hela besik iha ponte sikal Lospalos, Rita Kolise Fernandes, ba Lafaeknews katak, ponte durante ne’e aat kleur ona tanba ne’e,udan durante loron 3 husi loron sexta-sabadu-domingu mota kuaze atu estraga ponte ne’e
“Ponte ida-ne’e komunidade hotu liu iha ne’e ba merkadu Lospalos, inkluí mós komunidade balu ba halo to’os maibé importante liu mak assesu ba merkadu Lospalos, se wainhira ponte ne’e kotuk komunidade sira susar atu asesu ba merkadu, labarik sira ba eskola inkluí atividade barak mak paradu, ha’u husu atu governu bele hare ho urjente hodi normalija ponte ne’e hodi nune ami bele assesu ba servisu hotu iha Lospalos vila,”dehan komunidade Rita ba lafaeknews, 21/02.
Tuir observasaun lafaeknews nota iha tereinu depois de akontesimentu ponte ne’e hetan ameasa kotu komandu PNTL Munisípiu Lautém ho bombeirus Munisípiu Lautém too kedas iha fatin hodi ba tau liña polísia ba iha ponte ne’e hodi bandu transpote públiku no privadu labele hala’o movimentu liuhusi ponte ne’e,
Enkuantu provizoriamente agora dadauk ponte ne’e utiliza ida de’it hodi fasilita trasporta públiku no privadu hala’o movimentu ba mai iha Lospalos vila
Jornalista : LC
Asisténsia Editór : Egidio Nono
